32 C
Colombo
Friday, March 29, 2024

කොවිඩ් වැළඳී මියගිය පුද්ගලයෙකුගේ දේහය පිළිබඳව අධිකරණය දුන් තීන්දුව

- Advertisement -

කොවිඩ් ආසාදනය වීමෙන් මියගිය ගාල්ල ප්‍රදේශයේ පදිංචි පුද්ගලයෙකුගේ සිරුර ආදාහනය නොකර ශීතාගාරයක තැන්පත්කරන ලෙස ගාල්ල අධිකරණය නියෝග කර තිබේ.

මියගිය පුද්ගලයාගේ ඥාතීන් විසින් කළ ඉල්ලීමක් සලකා බැලූ ගාල්ල අතිරේක මහෙස්ත්‍රාත් පවිත්‍රා සංජීවනි පතිරණ මහත්මිය සඳහන් කර ඇත්තේ, අදාළ මළ සිරුර ආදාහනය නොකර රජය විසින් පත්කර ඇති කමිටුවේ තීරණය ලැබෙන තෙක් කරාපිටිය රෝහලේ අධි ශීතකරණයක තැන්පත් කරන ලෙසය.

ගාල්ල, දේදුගොඩ ප්‍රදේශයේ පදිංචි 84 හැවිරිදි මුස්ලිම් ජාතිකයෙකු කොරෝනා වෛරසය ආසාදිතව සිට රෝහල්ගත කිරීමෙන් අනතුරුව මියගොස් ඇති අතර ඔහු තිදරු පියෙක් බව වාර්තා වේ.

මොහුගේ දේහය නිරෝධායන නීති යටතේ රජයේ නියමයන්ට අනුව ආදාහනය කරන ලෙස ගාල්ල කරාපිටිය රෝහලේ හදිසි මරණ පරීක්ෂක චන්ද්‍රසේන ලොකුගේ මහතා නියෝග කර තිබුණ ද මියගිය අයගේ පුත්‍රයා සඳහන් කර ඇත්තේ ආදාහනය කරන්නේ නම් දේහය භාර නොගන්නා බවය.

ඒ අනුව අධිකරණයට කරුණු වාර්තා කිරීමෙන් පසු අදාළ නඩුව දෙසැම්බර් 21 දින ගාල්ල අතිරේක මහෙස්ත්‍රාත්වරිය හමුවේ කැඳවා තිබුණි.

එහිදී මියගිය අයගේ ඥාතීන් වෙනුවෙන් පෙනීසිටි නීතිඥවරුන් පවසා සිටියේ කොවිඩ් මරණ ආදාහනය කිරීම සම්බන්ධයෙන් සමාජයේ දැනට කතිකාවක් මතුව ඇති බවය.

එම නිසා කොවිඩ් ආසාදනයවීමෙන් මියයන මුස්ලිම් ජනතාවගේ මළ සිරුරු සම්බන්ධයෙන් ගත යුතු ක්‍රියාමාර්ග පිළිබඳව සොයාබැලීමට රජය පත්කළ කමිටුවේ වාර්තාව ලැබෙන තෙක් මළ සිරුර අධි ශිතකරණයක තැන්පත් කරන ලෙස නීතිඥයින් ඉල්ලා තිබේ.

දෙපාර්ශවයේම ඉදිරිපත්වූ කරුණු සලකා බැලූ ගාල්ල අතිරේක මහෙස්ත්‍රාත් පවිත්‍රා සංජීවනි පතිරණ මහත්මිය මේ පිළිබඳ ව සෞඛ්‍ය සේවා අධ්‍යක්ෂ ජනරාල්වරයාට කරුණු ඉදිරිපත්කර ඒ අනුව කටයුතු කිරීමට පියවර ගන්නා ලෙස පොලීසියට උපදෙස ලබා දී ඇත.

RECENT ARTICLES - SINHALA

Breaking: ඥාණසාර හිමි බන්ධනාගාර රෝහලට

0
ජාතික හා ආගමික සංහිඳියාවට හානි සිදු වන ආකාරයෙන්, ඉස්ලාම් දහමට අපහාසාත්මක වන ප්‍රකාශයක් කිරීමේ චෝදනාවක් සම්බන්ධයෙන් වරදකරුවී 4ක බරපතළ වැඩසහිත සිරදඬුවම් ලැබූ ගලබොඩ අත්තේ...

ශ්‍රී පාද වන්දනාවේ ගිය විදේශිකයෙක් ප්‍රපාතයකට වැටිලා

රත්නපුර - ශ්‍රී පාද මාර්ගයේ ඇහැලකණුව ප්‍රදේශයේදී ආරක්ෂිත වැටෙන් මිටර් 100ක පමණ ප්‍රපාතයට විදෙස් ජාතිකයෙක් ඇද වැටී තිබෙනවා. ඉන්දීය ජාතිකයෙකු වූ අදාළ විදේශිකයා පසුව...

අනුරාධපුර බන්ධනාගාරයේ සිරකරුවන් දෙන්නෙක් පැනල ගිහින්

අනුරාධපුර බන්ධනාගාරයේ එළිමහන් සිරකඳවුරෙහි මහජනතාවට විවෘත කර ඇති ආපනශාලාවේ සේවය කළ සිරකරුවන් දෙදෙනෙකු අද (29) දහවල් එම ස්ථානයෙන් පළා ගොස් තිබෙනවා. බන්ධනාගාර ආරංචි මාර්ග පවසන්නේ...

POPULAR ARTICLES

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...