යුද්ධයේදී මිය ගිය නෑ සිය මිතුරන් සිහිකිරීම සඳහා උතුරේ ජනතාවට ඇති අයිතිය පිළිගත යුතු යැයි ජනතා විමුක්ති පෙරමුණ පවසයි.
ජනතා විමුක්ති පෙරමුණ ඉල් මහ විරුවන් සමරන අවස්ථාවක උතුරේ අනුස්මරණ උත්සවවලට අධිකරණ වාරණ නියෝග පැනවීම සම්බන්ධයෙන් ලංකාදීප පුවත්පත කළ විමසීමකට අදාළව එම පක්ෂයේ නායක අනුර කුමාර දිසානායක මහතා මෙම අදහස පළ කර තිබේ.
නෑසියන් අනුස්මරණය යනු ජාතිභේදයකින් තොරව හිමි විය යුතු අයිතියක් යැයිද ඊට ජනතා විමුක්ති පෙරමුණ ගරු කරන්නේ යැයි ද ජනතා විමුක්ති පෙරමුණේ නායකයා වැඩිදුරටත් පවසා ඇත. උතුරේ ස්ථාන කීපයකම යුද්ධයේදී මිය ගිය පිරිස් සිහිකිරීමට ගත් උත්සාහයන්ට එරෙහිව අධිකරණයෙන් වාරණ නියෝග ගැනීමට පොලිසිය කටයුතු කර තිබූ අතර එම නියෝග සංශෝධනය කරන්නැයි ඇතැම් පිරිස් අධිකරණයෙන් ඉල්ලා තිබිණ
