28 C
Colombo
Saturday, June 22, 2024
spot_img

කෑගල්ලේ උපකාරක පන්ති ආරම්භ කිරිමට පියවර

- Advertisement -

සෞඛ්‍ය සේවාවන් ලබා දෙන උපදෙස් හා නිර්දේශයන් මත 50% සිමාව මත කෑගල්ල  දිස්ත්‍රික්කයේ උපකාරක පන්ති ආරම්භ කිරිමට අවශ්‍ය පියවර ගන්නා බව කෑගල්ල දිස්ත්‍රික් ලේකම් මහින්ද එස්. වීරසූරිය මහතා සඳහන් කළේය.

ඒ මහතා මේ බව සඳහන් කළේ කෑගල්ල දිස්ත්‍රික් විශේෂ කොවිඩ් මෙහෙයුම් කමිටුව අද (28) පස්වරුවේදී රැස්වූ අවස්ථාවේදීය.

කෑගල්ල දිස්ත්‍රික් ලේකම් මහින්ද එස්. වීරසූරිය මහතාගේ කැඳවීමෙන් කෑගල්ල දිස්ත්‍රික් පාර්ලිමේන්තු මන්ත්‍රි සමාගම් වතු ප්‍රතිංස්කරණ, තේ හා රබර් වතු ආශ්‍රිත බෝග වගා සහ කර්මාන්ත ශාලා නවීකරණය හා තේ හා රබර් අපනයන ප්‍රවර්ධන රාජ්‍ය අමාත්‍ය කනක හේරත් මහතාගේ ප්‍රධානත්වයෙන් කොවිඩ් මෙහෙයුම් කමිටුව කෑගල්ල දිස්ත්‍රික් ලේකම් කාර්යාලීය ශ්‍රවණාගාරයේ දී පැවැත්විණි.

මෙහිදි උපකාරක පන්ති ආරම්භ කිරිමේදී ප්‍රදේශයේ මහජන සෞඛ්‍ය පරීක්ෂකතුමන්ගේ නිර්දේශය මුලින්ම ලබාගත යුතු බවත් මිටරයක පරතරය, මුව ආවරණ පැලඳීම, ශරීර උෂ්ණත්වය මැනීම, නිරන්තරයෙන් දෑත් පිරිසිදු කිරිම යන කරුණු ගැන වැඩි අවධානයක් යොමු කළ යුතු බවත් මුලින්ම අපොස සමාන්‍ය පෙළ පන්ති පමණක් පැවැත්වීමට අවශ්‍ය පියවර ගත යුතු බවත් රාජ්‍ය අමාත්‍ය කනක හේරත් මහතා පැවසීය.

කෑගල්ල දිස්ත්‍රික්කයේ උපකාරක පන්ති පවත්වන ආයතනයන්හි ප්‍රධානින් ඔවුන්ට ඇති ගැටළු ඉදිරිපත් කල අතර පන්ති ආරම්භ කිරිමට පෙර කටයුතු කළ යුතු ආකාරය පිළිබද දැනුවත් කිරිම කෑගල්ල සෞඛ්‍ය සේවා අධ්‍යක්ෂ වෛද්‍ය කුමාර් වික්‍රමසිංහ මහතා විසින් සිදු කරනු ලැබීය. කෑගල්ල දිස්ත්‍රික්කයේ කොවිඩ් 19 වසංගතයේ වර්තමාන තත්වයත් තව දුරටත්  කොවිඩ්-19 න් ආරක්ෂා වීම සඳහා ලබා දී ඇති සෞඛාරක්ෂිත උපදෙස් නිසි පරිදි ක්‍රියාත්මක කිරිමේ අවශ්‍යතාවයත් ඒ මහතා වැඩි දුරටත් පෙන්වා දුන්නේය.

මේ අවස්ථාව සඳහා කෑගල්ල අතිරේක දිස්ත්‍රික් ලේකම් (පාලන) අයි.ඩබ්.එම්.සී.කේ ඉංගකොන්, අතිරේක දිස්ත්‍රික් ලේකම් (ඉඩම් හා සංවර්ධන) දිනීෂා එස් රත්නායක, දිස්ත්‍රික් සැළසුම් අධ්‍යක්ෂ ඒ.ඒ වීරකෝන්, සහකාර දිස්ත්‍රික් ලේකම් විජයානි රත්නසේකර යන මහත්ම මහත්මීන් ඇතුළු ප්‍රාදේශිය ලේකම්වරුන්, සෞඛ්‍ය අංශ නිලධාරීන්, ආරක්ෂක අංශ නිලධාරීන්, කලාප අධ්‍යාපන අධ්‍යක්ෂවරුන්, උපකාරක පන්ති පවත්වන ආයතනයන්හි හිමිකරුවන් ඇතුළු පිරිසක් සහභාගී වූහ.

-Lankadeepa

(නයෝමි දිල්රුක්ෂි)

RECENT ARTICLES - SINHALA

ඔක්තෝබර් 12 ට කලින් ජනාධිපතිවරණය තියන්න ඕන – වජිර

ඔක්තෝබර් 12 වන දිනට පෙර දිනයකදී ජනාධිපතිවරණය පැවැත්විය යුතු බව පාර්ලිමේන්තු මන්ත්‍රී වජිර අබේවර්ධන මහතා පවසනවා. ගාල්ලේදී එක්සත් ජාතික පාක්ෂිකයන් සමඟ පැවති හමුවකදී ඒ මහතා...

සිසුවියක් සමූහ දූෂණයට ලක් කිරීමේ සිද්ධියට 6ක් අත්අඩංගුවට

16 හැවිරිදි දැරියක් සමූහ දූෂණයට ලක්කළ බව කියන සිද්ධිය සම්බන්ධයෙන් ඇයගේ පෙම්වතා ඇතුළු තරුණයන් 6 දෙනෙකු පොලීසිය විසින් අත්අඩංගුවට ගෙන තිබෙනවා. පොලීසිය සඳහන් කළේ අත්අඩංගුවට...

කාන්තා අයිතිවාසිකම් ගැන ජනපතිගේ කතාවකට ජාජබ නීතිඥයින්ගෙන් නඩුවක්?

කාන්තා අයිතිවාසිකම් පිළිබඳව ජනාධිපති රනිල් වික්‍රමසිංහ පාර්ලිමේන්තුවෙන් පිටතදී සිදු කළ ප්‍රකාශයකට එරෙහිව නඩු පැවරීමට සිදු වන බව ජාතික ජන බලවේගයේ නීතිඥයින් පවසා ඇති බවට...

POPULAR ARTICLES

යුද හමුදා මාණ්ඩලික ප්‍රධානී ධූරය​ට නව මේජර්වරයෙක්

ශ්‍රී ලංකා යුද හමුදාවේ මාණ්ඩලික ප්‍රධානී ලෙස මේජර් ජෙනරාල් රෝහිත අලුවිහාරේ මහ​තා පත් කර තිබෙනවා. අද (20) සිට ක්‍රියාත්මක වන පරිදි මෙම පත්වීම සිදුකරනු ලැබුවා....

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...

ලන්ඩන් රැස්වීමට අනුර සෙනඟ ඇද්දේ බස්වලින් – සමන් රත්නප්‍රිය

0
එංගලන්තයේ ලන්ඩන් නුවර පැවැත්වූ ජනහමුව සඳහා අනුර කුමාර දිසානායක සෙනඟ රැස්කර ඇත්තේ සුපුරුදු පරිදි බස්රථවලින් බව ජනාධිපති වෘත්තිය සමිති අධ්‍යක්ෂ ජනරාල් සමන් රත්නප්‍රිය මහතා...