මියගිය සැමියාගේ මළසිරුර දින තුනක් පමණ නිවසේ තබාගෙන සුරතලයට ඇතිකරන සුනඛයාද සමග සිටී කාන්තාවක් දොරවල් කඩා ඉවතට ගත්බව පානදුර දකුණ පොලිසිය පවසනවා.
පානදුර ඇටඹගොඩවත්ත ජනජය නිවාස සංකීර්ණයේ අඹුසැමි යුවළක් පමණක් පදිංචිව සිටින නිවසකින් අධික දුගඳක් හමන බවට පානදුර දකුණ පොලිසියට ලද තොරතුරක් මත පොලිස් නිළධාරින් පිරිසක් එහි ගොස් තිබුණා.
පොලිසිය සඳහන් කළේ පොලිස් කණ්ඩායම් එහි යනවිට මියගොස් ඇති පුද්ගලයා ගේ බිරිද නිවසේ දොරගුලු දමාගෙන සිට ඇති බවත් ඒවා කඩා නිවසට ඇතුළුවී පරීක්ෂා කිරීමේදී ඇදක් මත මුනින් අතට තිබූ මළසිරුර සොයාගත් බවයි.
අත්තනායක මුදියන්සේලාගේ ජගත් බණ්ඩාර නමැති (52) හැවිරිදි පුද්ගලයකු මෙලෙස මියගොස් තිබෙනවා.
පොලිසිය සැකපළ කරන්නේ මියගොස් ඇති පුද්ගලයාගේ බිරිඳ කිසියම් මානසික රෝග තත්ත්වයකින් පෙලෙන බවයි.