කෑගල්ල හෙට්ටිමුල්ල ප්රදේශයේ ධම්මික බණ්ඩාර නැමැත්තෙකු අද උදෑසන සිට කොවිඩ් මර්දන ඖෂධයක පළමු කොටස නොමිලයේ බෙදාහැරීමේ කටයුත්තක් සිදුකරන බව ප්රචාරය කිරීමත් සමඟ දහස් සංඛ්යාත ජනතාවක් ඔහුගේ නිවෙස අසලට රැස්ව සිටියා.
මෙම පොලිම්වල ශ්රී ලංකා යුද හමුදාවේ ඉහළ තනතුරුවල නිලධාරීන් ඇතුළු ආරක්ෂක අංශ නිලධාරීන්ද දක්නට ලැබීම විශේෂත්වයක්.
කෙසේ වෙතත් කිසිදු සෞඛ්ය මාර්ගෝපදේශයක් නොතකමින් සිදුකරන ලද මෙම ක්රියාවලිය සමාජ මාධ්ය තුළ දැඩිව විවේචනයට ලක්වුණා.
ඖෂධය බෙදාහැරි ධම්මික බණ්ඩාර නැමැති දේශීය වෛද්යවරයාද මුඛ ආවරණයක් හෝ නොපැලද ඖෂධ බහා තිබූ කාලේ බෝතල් බෙදාහරින ආකාරය දක්නට ලැබුණා.
මේ පිළිබදව සිදුවූ පැමිණිලි මත කෑගල්ල දිස්ත්රික් ලේකම්වරයාගේ මැදිහත්වීමෙන් අදාල ඖෂධය බෙදාහැරීමේ ක්රියාදාමය නතර කර තිබෙනවා.
මේ අතර මෙවැනි අවස්ථාවක් සංවිධානය කළේ කෙලෙසදැයි කෑගල්ල ප්රදේශය භාර සහකාර පොලිස් අධිකාරීවරයාගෙන් වාර්තාවක් කැදවා ඇති බවට පොලිස් මාධ්ය ප්රකාශක අජිත් රෝහණ මහතා පවසනවා.
![](https://i0.wp.com/www.news19.lk/wp-content/uploads/2020/12/Corona-Syrup-01.jpg?resize=696%2C875&ssl=1)
![](https://i0.wp.com/www.news19.lk/wp-content/uploads/2020/12/Corona-Syrup-02.jpg?resize=696%2C522&ssl=1)