24 C
Colombo
Tuesday, March 5, 2024

කෙහෙළිය පුවත්පත් මණ්ඩල පනත සංශෝධනයට සැරසෙයි

- Advertisement -

මාධ්‍යවේදීන්ගේ මෙන්ම සමස්ත පුරවැසියන්ගේ අයිතිවාසිකම් සුරක්ෂිත වන ආකාරයට වර්තමානයට ගැළපෙන ලෙස පුවත්පත් මණ්ඩල පනත යාවත්කාලීන විය යුතු බව ජනමාධ්‍ය අමාත්‍ය කැබිනට් ප්‍රකාශක ආචාර්ය කෙහෙලිය රඹුක්වැල්ල මහතා පවසයි.

ඒ තුළ කිසිදු මාධ්‍ය මර්දනයක් නොමැති යැයිද එවැනි ඉතිහාසයකට ලක්වන ඇමතිවරයෙක් වීමට තමාට කිසිදු වුවමනාවක් නොමැති යැයිද අමාත්‍ය කෙහෙලිය රඹුක්වැල්ල මහතා පෙන්වාදෙයි.

අමාත්‍ය මාධ්‍ය ලේකම්වරුන්ගේ සංසදයේ විධායක කමිටු නිලධාරීන් සමග අද (01) ජනමාධ්‍ය අමාත්‍යංශ ශ්‍රවණාගාරයේ පැවති සාකච්ඡාවකදී ඔහු මේ බව පවසන ලදි.

ජනමාධ්‍ය අමාත්‍යාංශයේ ලේකම් ජගත් පී. විජේවීර මහතාගේද සහභාගිත්වයෙන් පැවති මෙම සාකච්ඡාව සඳහා අමාත්‍ය මාධ්‍ය ලේකම් වරුන්ගේ සංගමයේ සභාපති අග්‍රමාත්‍ය මාධ්‍ය අධ්‍යක්ෂ ජනරාල් විජයානන්ද හේරත් මහතා ඇතුළු එම සංගමයේ නිලධාරීන් පිරිසක් එක්ව සිටියහ.

වසර ගණනාවකට පෙර ස්ථාපිත කරනු ලැබූ පුවත්පත් මණ්ඩල පනත වර්තමානයට ගැළපෙන අයුරින් යාවත්කාලීන විය යුතු බවද වර්තමානයේ නව මාධ්‍ය ඇතුළු බොහෝ අංශ මාධ්‍ය ක්ෂේත්‍රයට එක්ව තිබෙන බවද කෙහෙලිය රඹුක්වැල්ල මහතා පවසයි.

දීර්ඝ කලකට පසු මෙවැනි පනතක් යාවත්කාලීන කිරීමට යමෙකු විරුද්ධ වන්නේ නම් එය පසුගාමී තත්වයක් යයිද එනිසා ප්‍රතිගාමී ලෙස මේ පිළිබඳව ධනාත්මකව අවධානය යොමු කළ යුතු බවද රටේ මාධ්‍ය අමාත්‍යවරයා ලෙස තමන්ට වගකීම් දෙකක් පැවරෙන බවත් ඒ අනුව මාධ්‍යවේදීන්ගේ අයිතිවාසිකම් වෙනුවෙන් පෙනී සිටින අතරම තමමට මිලියන 21 ක් වන සමස්ත පුරවැසියන් වෙනුවෙන්ද පෙනී සිටීමේ වගකීමද පැවරෙන බවත් අමාත්‍යවරයා පෙන්වා දෙයි.

මාධ්‍යවේදියාගේ මෙන්ම පුරවැසියාගේද අයිතිවාසිකම් සුරක්ෂිත වන ක්‍රමවේදයක් ඇති විය යුතු යැයි ද එසේ නොමැති වුවහොත් පුරවැසියා හට අසාධාරණයක් සිදුවන බවද ඒ මහතා කීය.

මෙය ඒක පාර්ශවීය ලෙස කල නොහැකි බවත් මේ සඳහා සුදුසු යාන්ත්‍රයක් අවශ්‍ය බවත් අමාත්‍ය රඹුක්වැල්ල මහතා පෙන්වා දෙයි. යම් පුද්ගලයෙකුට අසාධාරණයක් සිදුවන අයුරින් පුවත්පතක ප්‍රධාන ශීර්ෂ පාඨය ගොස් අනතුරුව සමාව ඉල්ලා කණගාටුව ප්‍රකාශ කිරීමට ඇතුල් පිටුවක අඟල් ගණනක ප්‍රවෘත්තියක් යෑම ඵලක් නොවන බව ද අමාත්‍යවරයා පවසයි. මාධ්‍ය ආචාර ධර්ම යන්නට සාධාරණයක් විය යුතු බවත් එම ආචාර ධර්මයන් සතපහකට මායිම් නොකරන්නේ නම් නීතියේ රාමුව තුළ ආචාර ධර්මයන් සකස් විය යුතු බවද අමාත්‍යවරයා වැඩිදුරටත් පෙන්වා දෙයි.

මාධ්‍යවේදීන්ට මෙන්ම මාධ්‍ය ලේකම්වරුන්ට දෙස් විදෙස් පුහුණුව ලබාදීම ,වැඩමුළු පැවැත්වීම ,නීතිය පිළිබඳ අවබෝධයක් ලබා දීම මෙන්ම නීති අධ්‍යනය ලබාදීම ඇතුළු කරුණු ගණනාවක් සම්බන්ධව මෙහිදී සාකච්ඡා කෙරිණි.

ජනමාධ්‍ය අමාත්‍යංශයේ ලේකම් ජගත් පී.විජේවීර,අමාත්‍ය මාධ්‍ය ලේකම් වරුන්ගේ සංසදයේ සභාපති අග්‍රාමාත්‍ය මාධ්‍ය අධ්‍යක්ෂ ජනරාල් විජයානන්ද හේරත් ,එම සංගමයේ ලේකම් නිමල් වීරතුංග යන මහත්වරු ඇතුළු පිරිසක් මේ සඳහා එක්ව සිටියහ.


RECENT ARTICLES - SINHALA

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...

ගූගල් මැප් එක බලාගෙන අරලියගහ මන්දිරයට පැනලා

ගුගල් සිතියම උපයෝගී කරගෙන අරලියගහ මන්දිරයට තාප්පයෙන් පැන අනවසරයෙන් ඇතුළු වූ පුද්ගලයන් දෙදෙනෙකු අත්අඩංගුවට ගත් බව කොල්ලුපිටිය පොලිසිය පවසනවා. මෙලෙස අත්අඩංගුවට ගෙන ඇත්තේ මෘදුකාංග ඉංජිනේරුවරයෙකු...

ඊළඟ අවුරුද්දෙත් තියෙන්නේ මේ ආණ්ඩුවම තමයි – රනිල්

ලබන වසරේත් රටේ පවතින්නේ වත්මන් ආණ්ඩුවම බව ජනාධිපති රනිල් වික්‍රමසිංහ පවසනවා. ඔහු මෙම අදහස් පළ කළේ, ගම්පහ දිස්ත්‍රික්කයේ සංවර්ධන කටයුතු පිළිබද අද (04) ජනාධිපති...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...