ජනාධිපති ගෝඨාභය රාජපක්ෂ විසින් ඇමැති මණ්ඩලයේ අමාත්‍යධුර 07ක වෙනස්කම් සිදු කරනු ලැබුවා.
ඒ අනුව, මෙතෙක් ජනමාධ්‍ය අමාත්‍යවරයා ලෙස කටයුතු කළ කෙහෙළිය රඹුක්වැල්ල මහතා සෞඛ්‍ය අමාත්‍යවරයා ලෙස දිවුරුම් දී තිබෙනවා.
කෙසේ වෙතත්, අමාත්‍යවරයා විසින් මීටපෙර මෙරට කොවිඩ් වසංගත තත්වය සම්බන්ධයෙන් සිදුකළ ප්‍රකාශයක් සමාජයේ දැඩි දෝෂදර්ශනයට ලක්විය.
පසුගිය 10වනදා අමාත්‍ය මණ්ඩල තීරණ දැනුම් දීමේ මාධ්‍ය හමුවට එක් වෙමින් කැබිනට් ප්‍රකාශක අමාත්‍ය කෙහෙළිය රඹුක්වැල්ල කියා සිටියේ එන්නත් පහසුකම් සැපයීමෙන් අනතුරුව ඉතිරි වැඩකොටස භාරවන්නේ දෙවියන්ට බවයි.
කෙසේ නමුත්, කොවිඩ් වසංගතය පාලනය කිරීම යනු හුදෙක් එන්නත්කරණය පමණක් නොවන බවත් එන්නත්කරණයෙන් පමණක් වසංගතයක් පාලනය කළ නොහැකි බවත් සෞඛ්‍ය විශේෂඥයෝ දිගින් දිගටම අවධාරණය කරයි.
රෝහල් ධාරිතාව උපරිමයක් කරා ළඟා වීම නිසා කොවිඩ් රෝගීන් පමණක් නොව අනෙකුත් රෝගීන් ද මරණයට පත්වීම නොවැලැක්විය හැකි බවයි ඔවුන් පෙන්වා දුන්නේ.
තත්වය එසේ තිබියදී, මෙරට කොවිඩ් වසංගත තත්වය ගැන ඉතාම අල්ප දැනුමක් ඇති අයෙකුට මෙවැනි තීරණාත්මක අවස්ථාවක සෞඛ්‍ය අමාත්‍යංශය භාරදීම ජනතාවගේ සිත් තුල ඇතිකර ඇත්තේ කුකුසක්.
මේ අතර, ට්විටර් පණිවිඩයක් නිකුත් කරමින් නව සෞඛ්‍ය අමාත්‍යවරයා ජනතාවට දැනුම් දෙන්නේ තමන් ආරක්ෂා වෙමින් සිය සමාජීය වගකීම ඉටු කරන ලෙසයි.
2/2
— Keheliya Rambukwella (@Keheliya_R) August 16, 2021
However going forward, it is imperative that the collective social responsibility of all citizens will be needed to defeat this challenge. I humbly request for the participation & cooperation of all citizens of #lka to make this a reality. #TogetherWeCan
