සුපිරි කොලිවුඩ් නළු නාරායනන් විජයරාජ් අලගර්ස්වාමි හෙවත් විජයකාන්ත් අභාවප්රාප්ත වී තිබෙනවා.
ඉන්දීය මාධ්යය වාර්තා කර තිබෙන්නේ, DMDK හෙවත් දේශීය මුර්පොක්කු ද්රවිඩ කසාගම් පක්ෂයේ නිර්මාතෘවරයා වන විජයකාන්ත්, කොවිඩ් වැළඳීමෙන් චෙන්නායිහි දී මිය ගොස් ඇති බවයි.
මිය යන විට ඔහුගේ වයස අවුරුදු 71 ක්.
විජයකාන්ත් දේශපාලනයට අවතීර්ණ වුණේ, 2005 දී DMDK පක්ෂය පිහිටුවීමෙන්.
ඒ, තමිල්නාඩුවේ සෙසු ද්රවිඩ පක්ෂ වන DMK සහ ADMK වැනි පක්ෂවලට අභියෝග කරන විකල්ප දේශපාලන පක්ෂයක් වීමේ අරමුණින්.
2011 තමිල්නාඩු ව්යවස්ථාදායක සභා මැතිවරණයේ දී DMDK පක්ෂය AIADMK ප්රමුඛ සන්ධානය සමඟ සන්ධානගත වූ අතර, විජයකාන්ත් විපක්ෂ නායකයා බවට ද පත් වුණා.