කොම්පඤ්ඤවීදිය, විනිසුරු අක්බාර් මාවත හා උත්තරානන්ද මාවත සම්බන්ධ කරමින් දුම්රිය මාර්ගයට ඉහළින් දිවෙන නව ගුවන් පාලම, මාර්ගයට සම්බන්ධ කරන කොටසේ ඉදි කිරීම් තවමත් අසම්පූර්ණ තත්වයේ පැවතීම හේතුවෙන් රියදුරන්ගේ ආරක්ෂාවට තර්ජනයක් එල්ල වී ඇති බවට පුවතක් ‘Ceylon Today’ වාර්තා කරනවා.
කොම්පඤ්ඤවීදිය ද්විත්ව ගුවන් පාලම ජනාධිපති රනිල් වික්රමසිංහ මහතා විසින් පසුගියදා (08) ජනතා අයිතියට පත් කරනු ලැබුවා.
විශේෂයෙන්ම, රාත්රී කාලයේදී ගුවන් පාලමේ සහ මාර්ගයේ විදුලි පහන් නොමැතිකම හේතුවෙන් ගුවන් පාලම ඔස්සේ අරලියගහ මන්දිරය පිටුපස සිට ගංගාරාම දෙසට ගමන් කරන වාහන එක්වරම අඩි බාගයක් පමණ පහළට වැටීමකට ලක් වෙන බව වැඩිදුරටත් වාර්තා වෙනවා.
ගාලු පාරේ අධික වාහන තදබදයක් පවතින විට විකල්ප මාර්ගයක් ලෙස මෙම මාර්ගය භාවිත කරන මෝටර් රථ රියදුරන් මෙම තත්ත්වය හේතුවෙන් දැඩි අපහසුතාවයට පත්ව තිබෙනවා .