ශ්‍රී ලංකා පොදුජන පෙරමුණ නියෝජනය කරන කෝට්ටේ නගරාධිපති අයි.එම්.වී. ප්‍රේමලාල් මහතාට ඊයේ (04) පිටකෝට්ටේ ප්‍රදේශයේ දී පහරදීමක් සිදුව තිබෙනවා.
ඊට හේතුව වී ඇත්තේ වාහන තදබදයක් හේතුවෙන් ඇතිවූ බහින්බස් වීමක් දුරදිග යාමයි.
පොලීසිය සදහන් කරන්නේ පුද්ගලයින් දෙදෙනෙකු විසින් මෙම පහරදීම සිදුකර ඇති බවයි.
තුවාල ලැබූ නගරාධිපතිවරයා රෝහල් ගත කිරීමෙන් අනතුරුව මැහුම් 13ක් දමා ප්‍රතිකාර ලබා තිබෙනවා.
මේ සම්බන්ධයෙන් සැකකරුවන් දෙදෙනා අත්අඩංගුවට ගෙන ඇති අතර ඔවුන් අද (05) අධිකරණයට ඉදිරිපත් කිරීමට නියමිතයි.
