25 C
Colombo
Sunday, April 14, 2024

ගෝඨාගෙන් ලලිත්-කූගන් ගැන අහන්න එපා- රිට් ආඥාවක්

- Advertisement -

කිසිදු නීතිමය පදනමක් නොමැති බව කියමින් ලලිත්-කූගන් අතුරුදන් කිරීම පිළිබඳ නඩුවට හිටපු ආරක්ෂක ලේකම් සහ වත්මන් ජනාධිපති ගෝඨාභය රාජපක්ෂගේ සාක්ෂි විමසීම සඳහා යාපනය මහේස්ත්‍රාත් අධිකරණය නොතීසි නිකුත් කිරීම වලංගු නොවන බව සඳහන් කරමින් අභියාචනාධිකරණ විනිසුරුවරුන් වන ඒ.එච්.එම්.ඩී. නවාස් සහ සුබෝධ රාජකරුණා නොවැම්බර් 23 වැනිදා රිට් ආඥාවක් නිකුත් කර ඇත.

පෙරටුගාමී සමාජවාදී පක්ෂයේ (එකල ජන අරගල ව්‍යාපාරය) වෙනුවෙන් දේශපාලන කටයුතුවල යෙදෙන අතරතුර ලලිත්-කූගන් දෙපළ අතුරුදන් කර තිබුණු අතර එවක කැබිනට් මාධ්‍ය ප්‍රකාශක කෙහෙළිය රඹුක්වැල්ල කියා තිබුණේ එම දෙදෙනා රජයේ අත්අඩංගුවේ සිටින බවය. ඒ අනුව ත්‍රස්තවාදය වැළැක්වීමේ පනත යටතේ ඔවුන් රඳවාගෙන සිටින බව එකල වාර්තා විය.

කෙසේ වෙතත් එම දෙදෙනා ගැන පසුව කිසිදු වාර්තාවක් නොලැබුණු අතර මේ දෙදෙනා අධිකරණයට ඉදිරිපත් කරන ලෙස ආරක්ෂක බලධාරීන්ට නියෝග කරන ලෙස ඉල්ලා ඔවුන්ගේ ඥාතීන් දෙදෙනෙක් යාපනය මහේස්ත්‍රාත් අධිකරණයට පෙත්සමක් ගොනු කර තිබුණි. ඒ අනුව ඒ පිළිබඳ කරුණු දැක්වීමට යාපනය මහේස්ත්‍රාත් අධිකරණයේ පෙනී සිටින ලෙස දන්වා ගෝඨාභය රාජපක්ෂ වෙත සිතාසි ගොනු කර තිබුණි.

මීට පෙර 2019 ජනාධිපතිවරණ සමයේද ඔහුට සිතාසි ගොනු කර තිබුණත්, ඔහු සිය ආරක්ෂාව ප්‍රමාණවත් නොවන බව කියමින් එම නඩු කටයුතු කරා ගියේ නැත. එසේ වුව එසේ කීමෙන් පසු ඔහු 2019 ජනාධිපතිවරණ ප්‍රචාරක කටයුතු සඳහා යාපනය වෙත ගමන් කර තිබුණි.

ඒ අතරතුර එම සිතාසිය නැවත කැඳවීම හෝ බලරහිත කිරීමක් ඉල්ලා ගෝඨාභය රාජපක්ෂ මහතා අභියාචනාධිකරණයට රිට් පෙත්සමක් ගොනු කර තිබුණු අතර නොවැම්බර් 23 වැනිදා තීන්දුව ලබා දී තිබුණේ ඒ සම්බන්ධයෙනි.

RECENT ARTICLES - SINHALA

‘ඔකපතන’ විදුහලට වැඩ වරදියි

අවුරුදු ගීතයක් විකෘති කර, සමාජ මාධ්‍ය ඔස්සේ සංසරණය කිරීම පිළිබඳව සංස්කෘතික කටයුතු අමාත්‍යාංශය පරීක්ෂණයක් ආරම්භ කර තිබෙනවා. සංස්කෘතික කටයුතු අමාත්‍ය විදුර වික්‍රමනායක මහතාගේ උපදෙස් මත...

කාලගුණයෙන් විශේෂ දැනුම් දීමක්

බස්නාහිර, සබරගමුව, දකුණු, මධ්‍යම, වයඹ සහ ඌව පළාත්වලත් අම්පාර සහ මඩකළපුව දිස්ත්‍රික්කවලත් අද (14) ප.ව. 2.00 න් පමණ පසු තැනින් තැන වැසි හෝ ගිගුරුම්...

පසුගිය දින තුනේ අධිවේගයේ ආදායම මෙන්න

ඉකුත් 10,11සහ 12 යන දින තුළ සමස්ත අධිවේගී මාර්ග පද්ධතිය තුළ වාහන 366,000ක් අධිවේගී මාර්ගවල ධාවනය වී ඇති බව මාර්ග සංවර්ධන අධිකාරිය පවසනවා. ඒ අනුව,...

POPULAR ARTICLES

2024 අවුරුදු නැකැත් සීට්ටුව මෙන්න

හෙට (13) රාත්‍රියේ උදාවන සිංහල හා දෙමළ අලුත් අවුරුද්ද පිළිගැනීම සඳහා මේ වනවිට ශ්‍රී ලංකිකයින් සූදානම් වෙමින් සිටිනවා. රාජ්‍ය නැකත් කමි­ටුව මඟින් සකස් කරන...

උසස් පෙළ ප්‍රතිඵල ගැන දනුම්දීමක්

පසුගිය උසස් පෙළ විභාගයේ ප්‍රතිඵල ලබන මාසය ඇතුළත නිකුත් කරන බව විභාග දෙපාර්තමේන්තුව පවසනවා. එම දෙපාර්තමේන්තුව සඳහන් කළේ, මේ වනවිට ප්‍රතිඵල  ලේඛන නැවත පරීක්ෂා...

තෙල් සංස්ථාවෙන් දැනුම්දීමක්

සිංහල දෙමළ අලුත් අවුරුදු උත්සව සමය තුළ සිපෙට්කෝ ඉන්ධනහල් මගින් අඛණ්ඩ ඉන්ධන සැපයුමක් සඳහා අවශ්‍ය ක්‍රියාමාර්ග ගෙන ඇති බව ලංකා ඛණිජ තෙල් නීතිගත සංස්ථාව...