නීතිඥ ජගත් ලියන ආරච්චි මහතා විසින් රචිත ‘ජනමාධ්යවේදීන්ට බලපාන නීති’ කෘතියේ දෙවැනි සංස්කරණය ශ්රී ලංකා තරුණ ජනමාධ්යවේදීන්ගේ සංගමයේ සහ ඒෆ්රියල් තරුණ ජාලයේ සම ප්රකාශනයක් ඊයේ (22) එළිදැක්විණි.
සූම් ඔස්සේ එම පොත එළිදැක්වීම සිදු කළ අතර ජනමාධ්යවේදීන්, නීතිඥයන්, ජනමාධ්ය ශිෂ්යයන්, නීතිශිෂ්යයන් සහ මානව හිමිකම් ක්රියාකාරීහු ඇතුළු විශාල පිරිසක් මෙම අවස්ථාවට සහභාගී වූහ.
කෘතිය එළිදක්වමින් ජගත් ලියනආරච්චි මහතා විසින් තොරතුරු දැන ගැනීමේ කොමිෂන් සභාවේ සාමාජික ජ්යෙෂ්ඨ නීතිඥ එස් ජී පුංචිහේවා මහතාට පොත පිළිගැන්වීය. ජනමාධ්යවේදීන්ට බලපාන නීති එක තැනකට ගැනීමේ වැදගත් කම ගැන පුංචිහේවා මහතා කෙටි අදහස් දැක්වීමක් සිදු කළේය.
ශ්රී ලංකා මානව හිමිකම් කොමිෂන් සභාවේ අධ්යාපන සහ විශේෂ වැඩසටහන් අධ්යක්ෂ නීතිඥ මේනකා හේරත් මහත්මිය, මානව හිමිකම් පිළිබඳ නීතිඥයකු මෙන්ම මෙන්ම සමාජ ක්රියාකාරිකයකු ද වන නීතිඥ තිෂ්ය වේරගොඩ, හිටපු ප්රවෘත්ති අධ්යක්ෂ ජනරාල් ආචාර්ය රංග කලංසූරිය, පොතේ කර්තෘ නීතිඥ ජගත් ලියන ආරච්චි, ශ්රී ලංකා තරුණ ජනමාධ්යවේදීන්ගේ සංගමයේ සභාපති චාමර සම්පත් යන මහත්ම මහත්මීහු මෙම අවස්ථාවේදී අදහස් දැක්වූහ.
වැඩසටහන මෙහෙයවනු ලැබුවේ මානව හිමිකම් සම්බන්ධයෙන් ක්රියාකාරිකයකු වන නීතිඥ ජයන්ත දෙහිඅත්තගේ මහතා විසිනි.