ඉන්දීය විදේශ කටයුතු අමාත්ය එස්.ජයශංකර් නිල සංචාරයක් සඳහා ඇමරිකා එක්සත් ජනපදයට පැමිණ තිබේ.
ඒ , එක්සත් ජාතීන්ගේ මහා මණ්ඩලයේ (UNGA) 77 වැනි සැසිවාරයේ ඉහළ මට්ටමේ නියෝජනයක් සඳහා ඉන්දීය නියෝජිත කණ්ඩායමකට ප්රමුඛත්වය දෙමින් බව ඉන්දීය මාධ්ය වාර්තා කර තිබේ.
ජයශංකර් සැප්තැම්බර් 18-28 දිනවල එක්සත් ජනපදයේ සංචාරය කරන බව අදාළ වාර්තා වැඩිදුරටත් පවසයි.
ජයශංකර් විසින් G4 (ඉන්දියාව, බ්රසීලය, ජපානය, ජර්මනිය) හි අමාත්ය රැස්වීමකට සත්කාරකත්වය සැපයීමට මෙන්ම “බහුපාර්ශ්විකත්වය පුනර්ජීවනය කිරීම” පිළිබඳ L.69 කණ්ඩායමේ ඉහළ පෙළේ රැස්වීමට සහභාගි වනු ඇති බව සදහන් වේ.
සංචාරය අතරතුර, අමාත්ය ජයශංකර් Quad, IBSA, BRICS සහ ඉන්දියාව-ප්රංශය-ඕස්ට්රේලියාව, ඉන්දියාව-ප්රංශය-එක්සත් අරාබි එමීර් රාජ්යය සහ ඉන්දියාව-ඉන්දුනීසියාව-ඕස්ට්රේලියාව වැනි ත්රෛපාර්ශ්වික රැස්වීම්වලට ද සහභාගී වනු ඇත.
ඔහු G20 සහ UNSC සාමාජික රටවල විදේශ අමාත්යවරුන් සමඟ ද්විපාර්ශ්වික රැස්වීම් ද පැවැත්වීමට නියමිතයි.