ඉරිදා රාත්‍රියේ දිවයින පුරා දැඩි සංචරණ සීමාවන් පවතිද්දී රූපලාවන්‍ය ශිල්පී චන්දිමාල් ජයසිංහ මහතාට උපන්දින සාදයක් පැවැත්වීමට අවසර ලබා දීම පිළිබඳව ෂැන්ග්‍රි-ලා හෝටලයේ කළමනාකාරිත්වයට එරෙහිව කොටුව පොලිසිය විසින් නීතිමය ක්‍රියාමාර්ග ගැනීමට සූදානම් වෙතැයි වාර්තා වේ.
නිරෝධායන රෙගුලාසි උල්ලංඝනය කරමින් හෝටලයේ උපන්දින සාදයක් සංවිධානය කිරීම සම්බන්ධයෙන් ඊයේ (31) පෙරවරුවේ පොලීසිය විසින් උත්සව සංවිධායක චන්දිමාල් ජයසිංහ සහ නිරූපිකාවක් වන පියුමි හංමාලි යන අයව අත්අඩංගුවට ගනු ලැබීය.
මෙම සාදයට අවම වශයෙන් පුද්ගලයින් 25 දෙනෙකු සහභාගී වී ඇති බව වාර්තා වේ.
පොලිසිය මේ වන විට පුද්ගලයන් කිහිප දෙනෙකු හඳුනාගෙන ඇති අතර සීසීටීවී දර්ශන මගින් අනෙක් අය හඳුනා ගැනීමට පරීක්ෂණ පැවැත්වේ.
උත්සව සංවිධායකයන් මෙම උත්සවය පැවැත්වූයේ කොවිඩ්-19 ව්‍යාප්තිය හේතුවෙන් නැවත දැනුම් දෙන තුරු රජය විසින් සියලු රැස්වීම්, සාද, මංගල උත්සව තහනම් කර ඇති පසුබිමකය.
