විපක්ෂ නායක සජිත් ප්‍රේමදාස මහතා ඊයේ (01) තලවකැලේ නගර සභා ක්‍රිඩාංගණයේදි පැවති ජාතික කම්කරු සංගමයේ සහ ජාතික කම්කරු පෙරමුණේ මැයි දින රැලියට එක්වුණා.
එහිදි විපක්ෂ නායක සජිත් ප්‍රේමදාස මහතා කියා සිටියේ වතුකරයේ ජනතාවගේ අයිතීන් සුරැකීම තම රජයක් තුලින් ක්‍රියාත්මක වන බවයි.
එමෙන්ම වතු කම්කරුවන්ගේ ආර්ථික සමාජීය වටපිටාව ඉහළට ගෙන ඒමට තමා සූදානම් බව එහිදී වැඩිදුරටත් අදහස් දැක් වු සජිත් ප්‍රේමදාස මහතා කියා සිටියා.
දැනට තේ වතු ආශ්‍රිතව පවතින මුඩු ඉඩම් වතු කම්කරුවන් අතර බෙදා දෙමින්, උඩරට සහ පහතරට වතු කම්කරුවන් කුඩා තේ වතු හිමියන් බවට පත් කිරිමට තම රජයක් යටතේ කටයුතු කරන බව සඳහන් කළා.
ජාතික කම්කරු සංගමයේ සහ ජාතික කම්කරු පෙරමුණේ නායක පලනි දිගම්බරම් විසින් මෙම මැයි දින රැලිය සංවිධානය කර තිබු අතර , එහි ප්‍රධාන ආරාධිතයා වශයෙන් විපක්ෂ නායක සජිත් ප්‍රේමදාස සහභාගි වි තිබුණා.
එම වේදිකාවට හිටපු අමාත්‍ය අර්ජුන රණතුංග සහ දමිල ප්‍රගතිශිලි සන්ධානයේ නියෝජ්‍ය නායක එම්.උදයකුමාර් ද සහභාගි තිබෙනවා.
