අර්ජුන් ඇලෝසියස් මහතාට අයත් W.M.මෙන්ඩිස් සමාගමේ නිෂ්පාදන කටයුතු නැවතත් ආරම්භ කිරීමට ලබාදී තිබූ බලපත්‍රය අහෝසි කිරීමට රජය තීරණය කර තිබෙනවා.
ජනාධිපති ගෝඨාභය රාජපක්ෂ මහතාගේ උපදෙස් පරිදි කැබිනට් මණ්ඩලය විසින් අදාළ තීරණය ගෙන ඇති බවයි වාර්තා වන්නේ.
2018 ජනවාරි සිට රුපියල් බිලියන එකයි දශම පහකට අධික බදු ප්‍රමාණයක් නොගෙවීම හේතුවෙන් W.M.මෙන්ඩිස් සහ සමාගමට අයත් මත්පැන් ස්කාගාරයේ බලපත්‍රය සුරාබදු දෙපාර්තමේන්තුව විසින් අත්හිටුවා තිබුණා.
කෙසේ වෙතත් හිඟ බදු මුදල්, වාරික ගෙවීම් මඟින් ගෙවා දැමීමට සමාගම එකඟ වූ බැවින් මත්පැන් නිෂ්පාදනය කිරීමේ මෙහෙයුම් නැවත ආරම්භ කිරීමට සුරාබදු දෙපාර්තමේන්තුව අවසර ලබාදුන් බව සුරාබදු කොමසාරිස් කපිල කුමාරසිංහ මහතා පවසා සිටියා.
සුරාබදු දෙපාර්තමේන්තුව අයත් වන්නේ අග්‍රාමාත්‍ය මහින්ද රාජපක්ෂ මහතා අමාත්‍ය ධූරය දරණ මුදල් අමාත්‍යාංශයට වීමද විශේෂත්වයක්.
