පී.බී. ජයසුන්දර වැනි පුරෝහිතයින්, කේවට්ටයින් සමඟ ජනාධිපතිවරයාට සිය ඉලක්කයට යා නොහැකි බව පූජ්‍ය මුරුත්තෙට්ටුවේ ආනන්ද ස්වාමීන් වහන්සේ පවසනවා.
ඒ, ඊයේ (11) නාරාහේන්පිට අභයාරාම විහාරස්ථානයේදී පැවති මාධ්‍ය හමුවක් අමතමින්.
චන්ද්‍රිකා කුමාරතුංග මැතිණිය, මහින්ද රාජපක්ෂ මහතා විනාශ කළ ආචාර්ය පී.බී. ජයසුන්දර ඉවත් කරන ලෙස වත්මන් ජනාධිපතිතුමාට කොතෙක් කීවද එය ඉටු නොවුණු බවයි උන්වහන්සේ පවසන්නේ.
රටට වෙමින් තිබෙන විපත දෙස නිදිගැට හැර බලන ලෙසත් මුල් අදියරේ වසංගතය පාලනය කළ අනිල් ජාසිංහ, අමල් හර්ෂ ද සිල්වා, ජයරුවන් බණ්ඩාර වැනි අය ඉවත් කළේ එවැනි කේවට්ටයින්ගේ කතා අසා නම් යළි වහාම ඔවුන් කැඳවා මේ වගකීම ඔවුන්ට භාරදෙන ලෙසත් උන්වහන්සේ අවධාරණය කර ඉල්ලා සිටිනවා.
