මෙරට ඇතැම් සෞඛ්ය සේවකයන්ගේ ක්රියාකලාපයන් පිළිබදව බොහෝ විට ප්රතිකාර ලබාගැනීමට යන ජනතාවගෙන් ලැබෙන්නේ හොඳ ප්රතිචාරයක් නොවන බවටත් එවන් පසුබිමක දෙනියාය මූලික රෝහලේ ගිලන් රථයකින් සෞඛ්ය සේවකයන් පිරිසක් සාප්පු සවාරියක් ගොස් ඇති බවටත් පෞද්ගලික රූපවාහිනී නාලිකාවක් පසුගියදා ප්රවෘත්තියක් පලකර තිබුණා.
අදාල ගිලන්රථය මාතර – අතුරලියේ සුපිරි වෙළෙඳසැලක් අසල නවත්වා ඇති ආකාරය ජංගම දුරකතනයකින් පටිගත කර එම ගිලන්රථයේ ලියාපදිංචි අංකයද අදාල ප්රවෘත්තියෙන් පෙන්වා තිබුණා.
සිදුවීම පිළිබදව ජංගම දුරකථනයේ වීඩියෝවේම ප්රදේශවාසීන් දෙදෙනෙක් අදහස් දක්වමින් පවසන්නේ “ටක්ගාලා නම්බර් එක බලලා කෝල් එකක් දුන්නනම් ආයතනයට ඕකුන්ගේ රස්සාවලුත් ඉවරයි” ලෙසයි.
මෙම පුවතේදී අදාල සිදුවීම සම්බන්දයෙන් දෙනියාය මූලික රෝහලේ පාලනඅධිකාරියෙන් කිසිදු විමසීමක් කර තිබුණේ නැහැ.
මේ සම්බන්ධයෙන් අප දෙනියාය මූලික රෝහලේ වෛද්ය අධිකාරී P.G.K.M. සෝමරත්න මහතාගෙන් සිදුකල විමසීමකදී ඔහු සඳහන් කළේ
දෙනියාය මූලික රෝහලේ සේවක පිරිසක් ගිලන් රථයකින් ගොස් තිබුණේ රෝහලට අවශ්ය භාණ්ඩ මිල දී ගැනීමට බවයි.
තමන් මේ පුවත සම්බන්දයෙන් වූ සිදුවීම පිළිබඳව විමසා බැලූ අතර අතුරලිය මංසන්ධියේ වෙළෙඳසැලකින් රෝහලට අවශ්ය මෙම භාණ්ඩ මිලදී ගැනීමට සෞඛ්ය සේවයන් විනාඩි 20 ක පමණ කාලයක් ගතකර ඇති බව වෛද්ය අධිකාරීවරයා සඳහන් කළා.
වෛද්ය අධිකාරී සෝමරත්න මහතා පවසා සිටියේ ඔවුන් මෙලෙස භාණ්ඩ මිලදී ගැනීමට යන බව ඊට පෙර තමන්ව දැනුවත් කර ඊට ලබාගන්නා ලද අවසරයෙන් අනතුරුව එලෙස ගිය බවයි.
මෙම සිද්ධිය සම්බන්ධයෙන් තමන්ගෙන් කිසිදු විමසීමක් සිදු නොකර ඒකපාර්ශවීය ප්රවෘත්තියක් පළ කර ඇති බව ද ඉන් ජනතාව මුලාකර ඇති බවද වෛද්ය අධ්යක්ෂකවරයා වැඩිදුරටත් සඳහන් කළා.