හිටපු අමාත්‍ය මංගල සමරවීරගේ අභාවය පිළිබඳව අග්‍රාමාත්‍ය මහින්ද රාජපක්ෂ මහතා සිය කණගාටුව ප්‍රකාශ කර තිබේ.
දිවංගත මංගල සමරවීර මහතා එක්තරා කාල පරිච්ඡේදයක් තුළ තමා සමඟ දේශපාලනයේදී සමීපව කටයුතු කර ඇති බව ට්විටර් සටහනක් තබමින් සඳහන් කළ අගමැතිවරයා, ඔහු පක්ෂයට හා තමාට පෞද්ගලිකව සහයෝගය දැක්වූ බවත් පැවසීය.
මංගල සමරවීර යනු සමීප මිතුරෙකු, දේශපාලනඥයෙකු සහ සගයෙකු ලෙස මහින්ද රාජපක්ෂ අර්ථ දක්වයි.
අභාවප්‍රාප්ත මංගල සමරවීරගේ පවුලේ අයට අග්‍රාමාත්‍යවරයා සිය බලවත් කණගාටුව ප්‍රකාශ කර සිටියි.
