බස්නාහිර පළාත් සභා හිටපු මන්ත්‍රී, ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ බෝපිටිය පොලිසිය මගින් අත්අඩංගුවට ගෙන තිබේ.
මුතුරාජවෙල තෙත් බිම විනාශ කිරීමට එරෙහිව අද මධ්‍යහ්නයේ පැවති උද්ඝෝෂණයකට සහභාගි වීම හේතුවෙන් ඔහු මෙසේ අත්අඩංගුවට ගෙන ඇත. ජා-ඇල, බෝපිටිය මංසන්ධියේදී ආරම්භ කෙරුණු මේ උද්ඝෝෂණයට එරෙහිව අධිකරණයෙන් වාරණ නියෝගයක් ලබාගෙන ඇති බව එහි පැමිණි පොලිස් නිලඛධාරීන් දැනුම් දී තිබේ. ඉන්පසු රැස්ව සිටි පිරිස විසුරුවා හැර, හිටපු මන්ත්‍රීවරයා අදාළ ප්‍රදේශයෙන් පිටතට යමින් සිටියදී පමුණුගම ප්‍රදේශයේදී අත්අඩංගුවට ගෙන තිබේ.
මීට අදාළ ව තවත් පුද්ගලයෙකු ද අත්අඩංගුවට ගෙන ඇති අතර, දෙදෙනාම මේ වන විට බෝපිටිය පොලිසියේ රඳවාගෙන සිටී. නිරෝධායන නීති උල්ලංඝනය කිරීමේ චෝදනා යටතේ මේ දෙදෙනා අද පස්වරුවේ වැලිසර මහේස්ත්‍රාත් අධිකරණයට ඉදිරිපත් කිරීමට නියමිත ය.
