හිටපු අගමැති රනිල් වික්රමසිංහ මහතා ශ්රී ලංකාවේ විපක්ෂයට නායකත්වය දීමට වඩාත්ම සුදුසු පුද්ගලයා බව අගමැති මහින්ද රාජපක්ෂ අවධාරනය කරනවා.
ඩේලි මිරර් පුවත්පතට අදහස් දක්වමින් අග්රාමාත්යවරයා පවසන්නේ රනිල් වික්රමසිංහ මහතා හැර එක්සත් ජාතික පක්ෂෙයෙන් පාර්ලිමේන්තුව නියෝජනය කළ හැකි වෙනත් කිසිවෙකු නොමැති බවයි.
ඔහුගේ පැමිණීම රජයට අහිතකර වුවද දේශපාලනික වශයෙන් ගත් කල, රනිල් වික්රමසිංහ මහතා එම පක්ෂයෙන් පැමිණිය යුතු සුදුසුම පුද්ගලයා බවයි අග්රාමාත්ය මහින්ද රාජපක්ෂ මහතා සදහන් කරන්නේ.
අග්රාමාත්යවරයා වැඩිදුරටත් පවසන්නේ ශක්තිමත් විපක්ෂයක් සැමවිටම අවශ්ය බවත් මීට පෙර පැවති ඒකාබද්ධ විපක්ෂය වඩාත් ඵලදායී වුවද වර්තමාන විපක්ෂය එලෙස නොවන බවයි.
වත්මන් විපක්ෂය පිළිබඳව අදහස් දක්වමින් ඔහු කියා සිටියේ විපක්ෂයේ භේදය ප්රජාතන්ත්රවාදයට සෞඛ්ය සම්පන්න ලකුණක් නොවන බවයි.
දැඩි විපක්ෂයක් රජයක් පාලනය කර තබා ගැනීමට බල කරන බව අග්රාමාත්යවරයා සදහන් කරනවා.