මහා පරිමාණ මෝල් හිමියන් කිහිපදෙනෙකු සතු කරගෙන තිබූ සහල් මාෆියාව නතර කිරීමට හැකි වූ බව කෘෂිකර්ම අමාත්ය මහින්දානන්ද අලුත්ගමගේ පවසනවා.
වී සඳහා සහතික මිලක් නියම කිරීම හරහා එය සිදු කළ හැකිවූ බවයි ඊයේ (02) දින රූපවාහිනී දේශපාලන සංවාදාත්මක වැඩසටහනකට එක්වෙමින්.
මෝල් හිමියන් එක කන්නයකට බිලියන 50කට වඩා ලාභ උපයන බවත් ඇතැම් මැති ඇමතිවරුන්ද මෝල් හිමියන්ට යටත්ව ඇති බවත් තමන් මේ සම්බන්ධයෙන් වෙළඳ අමාත්ය බන්දුල ගුණවර්ධන සමඟද බහින්බස් වූ බවත් අමාත්ය මහින්දානන්ද අලුත්ගමගේ පවසනවා.
කෙසේ නමුත් මහපරිමාණ මෝල් හිමියන් අධික මිලට සහල් විකිණීමේදී ක්රියාත්මක නොවූ රජය ගොයම් කපන සමයේදී මිල අඩු කිරීමෙන් පහර දීැත්තේ ගොවියාට මිස මෝල් හිමියාට නොවන බවයි එම වැඩසටහනට සහභාගීවූ සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා පෙන්වා දුන්නේ.
එමෙන්ම කාබනික පොහොර සම්බන්ධයෙන් අදහස් දක්වමින් නාමල් කරුණාරත්න මහතා පවසා සිටියේ කාබනික පොහොර භාවිතයට විරුද්ධ නොවන නමුත් එය එක්වරම නීතියක් බවට පත්කිරීමෙන් මේ වන විට ගොවීන්ට කාබනික හෝ රයාසනික පොහොර නොමැතිව අසරණ වී ඇති බවයි.