ශ්රී ලංකා නිදහස් පක්ෂය ගොඩගැනීමට නම් වත්මන් සභාපතිවරයා සහ ලේකම්වරයා ඉවත් විය යුතු බව හිටපු ජනාධිපතිනි චන්ද්රිකා බණ්ඩාරනායක කුමාරතුංග මහත්මිය පවසනවා.
ඒ, අත්තනගල්ල ඌරාපොළ ප්රදේශයේ අඩු ආදායම් ලාභීන් පිරිසකට වියළි ආහාර ලබාදීමේ උත්සවයකට එක්වෙමින්.
තවද, වත්මන් රජයට ජනතා ගැටලු විසඳීමට හැකියාවක් නොමැති බවයි ඇය පවසන්නේ.
මාධ්යවේදියා –
“මහින්ද මත්තයා කියනවා එයා ඉවත්වෙන්නේ නැහැ කියලා. එයාගේ අගමැතිකම එයා තියාගෙන තමයි කරන්න හදන්නේ?”
හිටපු ජනාධිපතිනිය –
“පෙරේතකමනේ. එක පැත්තකින් බය ඇති හිරේ දායි කියලා. අනෙක් පැත්තෙන් තව ටිකක් කන්ඩ. කොච්චර තිබුණත් රාජපක්ෂලාට මදි. ඉතින් මටනම් විලි ලැජ්ජයි. කොච්චර මිනිස්සු පලයන්, පලයන් කියද්දී බලයේ එල්ලී සිටිනවා.”
මාධ්යවේදිය –
“ඔබතුමියට ආරාධනාවක් ලැබුණා ශ්රී ලංකා නිදහස් පක්ෂයට නැවත එන්න කියලා. ඔබතුමියගේ අදහස?”
හිටපු ජනාධිපතිනිය –
“ශ්රී ලංකා නිදහස් පක්ෂයට නැවත් එන්නට දෙයක් නැහැනේ. මම පක්ෂයේ ඉන්නවා. මම පක්ෂයේ සමාජිකයෙක්. ඒක කාටවත් නැති කරන්න බැහැ. ඒ වාගේම මම පක්ෂයේ යාවජීව අනුශාසකවරයකේ. මම පක්ෂයෙන් අයින්වෙලා නැහැ. ඒ කියන්නේ. මම හිටියට මගේ තනතුර නැතිකෙරුවා සිරිසේන. දේශපාලන මණ්ඩලයෙන් පැන්නුවා, අත්තනගල්ලේ සංවිධායක ධුරයෙන් මාව පැන්නුවා. පැන්නුවාට සංවිධායක ලෙස මිනිස්සු සලකන්නේ මට.
ආපසු එන්න කියන්නේ ඒ ගොල්ලෝ පන්නපු එකට ආපසු එන්නලු. ඇවිල්ලා උදව් කරන්නලු ඒ අයට හදන්න. ඉතින් මම කියන්නේ. ශ්රී ලංකා නිදහස් පක්ෂයේ සභාපති සහ ලේකම් අස්වෙන්නේ නැතුව පක්ෂය හදන්න බැහැ. හදන්න බැරි නම අතගහලා වැඩක් නැහැනේ. ඒ ඉන්න හොරු ටික සියලුදෙනාම අයින්වෙලා ගියට පස්සේ අපි ගිහිල්ලා ලස්සනට පක්ෂය හදලා දෙනවා.”
