ශ්රී ලංකා ගුවන් සේවයේ බත් පැකට් එකේ ඉදල තියෙන්නෙ ගැහිල්ල බව හිටපු ජනාධිපති මෛත්රිපාල සිරිසේන මහතා විසින් පාර්ලිමේන්තුවේදී අද (6) ප්රකාශ කළා.
ශ්රී ලංකාවේ ගුවන් සේවයේ කජු මිනිස්සුන්ට තබා බල්ලන්ටවත් කෑ නොහැකි බවට තමා කලකට පෙර පාර්ලිමේන්තුවේදී ප්රකාශයක් කිරීමෙන් පසුව ඒ ගැන සොයා බැලීමේදී කජු ගෙනවිත් තිබුණේ ඩුබායි රාජ්යයෙන් බව පැවසූ සිරිසේන මහතා ඩුබායි කජු සෑදෙන රටක් නොවන බවත් සඳහන් කළා.
මෛත්රිපාල සිරිසේන මහතා මෙසේ පැවසුවේ සිවිල් ගුවන් සේවා පනත යටතේ නියෝග පිළිබඳ විවාදයේදී යි.
කිසිම වෘත්තිය සමිතියකට ගුවන් සේවාව ගැන රජය කිසිම සාකච්ඡාවක්දී නැතැයි පැවසූ මන්ත්රීවරයා වෘත්තිය සමිතිවලට කාලයදීම වැදගත් බවද සඳහන් කළා.
එමෙන්ම සෑම ඇමැතිවරයකුම මේ ගුවන් සේවාවට සේවකයන් අසීමිතව දැමූ බවත් ගුවන් යානා මිලදී ගැනීම ඇතුළු සියලු කොන්ත්රාත්වලින් මුදල් ගසා කන බවත් සිරිසේන මහතා වැඩිදුරටත් කියා සිටියා.