චීන ආරක්ෂක අමාත්ය ජෙනරාල් වෙයි ෆෙන්ග් රැගත් රථ පෙළ ගුවන් තොටුපොළේ සිට කොළඹ දක්වා පැමිණිමේ දී රථවාහන රාජකාරියේ යෙදී සිටි පොලිස් නිලධාරීන්ට බාධාවන අයුරින් කටයුතු කළ පුද්ගලයෙකු අත්අඩංගුවට ගෙන තිබෙනවා.
පසුගිය 27 වනදා රාත්රියේ බොරැල්ල ප්රදේශයේ දී අදාළ රථ පෙළට ගමන් කිරීම සඳහා මාර්ග කිහිපයක රථ ගමනාගමනය කෙටි කාලයක් සඳහා අත්හිටුවීමට පොලීසිය පියවර ගෙන තිබුණා.
එයට විරෝධය පළ කරමින් පුද්ගලයෙකු අනෙක් රථ වාහන රියදුරන්ද පොලීසියට විරෝධතා දැක්වීම සඳහා පොළඹවමින් කටයුතු කරමින් ඊට අදාල විඩියෝ පටයක් ද සමාජ මාධ්ය වෙත යොමුකර තිබු බව පොලීසිය සඳහන් කළා.
ඒ අනුව අත්අඩංගුවට ගත් සැකකරු බත්තරමුල්ල පැලවත්ත ප්රදේශයේ පදිංචි 32 හැවිරිදි අයෙකු වන අතර ඔහු අද (30) කොළඹ මහෙස්ත්රාත් අධිකරණයට ඉදිරිපත් කිරිමට නියමිතයි.