රුපියල් දෙකෝටි පනස් ලක්ෂයක් පමණ වටිනා රත්‍රං ජෙල් ද්‍රවණයක් අඩංගු කරල් 3 ක් රහස් ප්‍රදේශයේ සඟවාගෙන ඉන්දියාවේ මුම්බායි වෙත යාමට කටුනායක ගුවන් තොටුපල වෙත පැමිණි ත්‍රිරෝද රථ රියදුරෙකු එහි රේගු මත්ද්‍රව්‍ය පාලන අංශයේ නිලධාරීන් අත්අඩංගුවට ගෙන තිබෙනවා.
රේගු මාධ්‍ය ප්‍රකාශක නියෝජ්‍ය රේගු අධ්‍යක්ෂ සුදත්ත සිල්වා මහතා සඳහන් කළේ ඊයේ(18) පස්වරුවේ මෙලෙස අත්අඩංගුවට ගෙන ඇත්තේ කොළඹ – කෙසෙල්වත්ත ප්‍රදේශයේ පදිංචි අවුරුදු 29 ක් වයසැති පුද්ගලයෙකු බවයි.
ශ්‍රී ලංකන් ගුවන් සේවයට අයත් යානයකින් මුම්බායි බලා පිටත්වීමට සැකකරු කටුනායක ගුවන් තොටුපල වෙත පැමිණී අවස්ථාවේදී ඇතිවූ සැකයක් මත මොහු එක්ස් කිරණ පරීක්ෂාවකට ලක් කර තිබුණා.
එම අවස්ථාවේ කිලෝ එකයි ග්‍රෑම් 280 ක් බර මෙම රත්‍රං ජෙල් ද්‍රාවණ අඩංගු කරල් 3 ක් සිරුරේ රහස් ප්‍රදේශයේ සඟවාගෙන සිටින බවට අනාවරණ වුණා.
