ක්ෂේත්ර රැසක අදත් වෘත්තීය සමිති ක්රියාමාර්ග ක්රියාත්මක වනවා.
ඒ, වැටුප් ඇතුළු ගැටලු කිහිපයක් මුල් කර ගනිමින්.
ඉල්ලීම් කිහිපයක් මුල් කර ගනිමින් මාර්ග සංවර්ධන අධිකාරියේ ඉංජිනේරු සංගමය ආරම්භ කළ වෘත්තීය සමිති ක්රියාමාර්ගය අඛණ්ඩව ක්රියාත්මකයි.
එම සංගමයේ සභාපති හේමචන්ද්ර ගුණසිංහ මහතා සඳහන් කළේ, බඳවා ගැනීමේ පටිපාටියක් අනුමත කර ගැනීමට නොහැකි වීම සහ පුරප්පාඩු පවතින සේවක සංඛ්යාව අනුමත කර ගැනීමට පාලන අධිකාරිය අපොහොසත් වීම යන කරුණු මුල් කරගනිමින් වෘත්තීය සමිති ක්රියාමාර්ගයේ යෙදී සිටින බවයි.
මේ අතර අද සිට අඛණ්ඩ වෘත්තීය සමිති ක්රියාමාර්ගයක නිරත වන බව රජයේ මිනින්දෝරු සංගමය පවසනවා.
තම සංගමය ඊයේ (10) දිනයේ ලෙඩ නිවාඩු වාර්තා කර රාජකාරිවලින් ඉවත් වූ බව එහි සභාපති දුමින්ද උදුගොඩ මහතා සඳහන් කළා.
තවද විශ්වවිද්යාල අනධ්යන සේවකයින් ආරම්භ කර ඇති අඛණ්ඩ වැඩ වර්ජනය අදට දින 40ක්.
විශ්වවිද්යාල වෘත්තීය සමිති එකාබද්ධ කමිටුවේ සමසභාපති ධම්මික එස්. ප්රියාන්ත මහතා පැවසුවේ, ගැටලුවලට විසඳුම් ලැබෙන තෙක් වර්ජනය අඛණ්ඩව ක්රියාත්මක වන බවයි.