රටේ අනෙකුත් ජනතාවට තිබෙන මුලික අයිතිවාසිකම් රැසක් වතුකරයේ ඇතැම් ජනතාවට නොමැති බව ශ්‍රි ලංකා මානව හිමිකම් කොමිෂන් සභාවේ කොමසාරිස් නිතිඥය නිමල් ජි පුංචිහේවා මහතා පවසනවා.
නිමල් ජි පුංචිහේවා මහතා මේ බව සදහන් කළේ, ඊයේ (05) දින වතුකරයේ මුලික අයිතිවාසිකම් හිමි වි නොමැති ජනතාවට එම අයිතිවාසිකම් ලබාදිම සදහා බගවන්තලාව සෙන් මේරිස් ජාතික පාසලේ එම කොමිෂන් සභාව නොර්වුඩ් ප්‍රාදේශිය ලේකම් කාර්යාලය ඇතුළු රාජ්‍ය ආයතන 12 ක් එක් කර ගනිමින් ආරම්භ කර තිබු ජංගම සේවයට එක්වෙමින්.
මෙහිදි වැඩිදුරටත් ඔහු කියා සිටියේ, වතුකරයේ ඇතැම් පිරිස් වලට උප්පැන්න සහතිකය , ජාතික හැදුනුම්පත , විවාහ සහතිකය ඇතුළු අත්‍යවශ්‍ය ලියකියවිලි රැසක් නොමැති විම හමුවේ එම ජනතාවට රටේ අනෙකුත් ජනතාවට තිබෙන මුලික අයිතිවාසිකම් ඔවුන් නොලැබි ඇති බවයි.
එම මුලික අයිතිවාසිකම් ලබාදිම සදහා පසුගියදා (04) සිට බගවන්තලාව සෙන් මේරිස් ජාතික පාසලේ ආරම්භ කල ජංගම සේවයට විශාල පිරිසක් පැමිණි බවත්, එම ජනතාවට ජංගම සේවය මගින් උපරිම සේවාවක් ලබාදුන් බවයි.
බගවන්තලාව සෙන් මේරිස් ජාතික පාසලේ පැවැත්වු ජංගම සේවයට තම කොමිෂමේ නිලධාරින් රැසක් සහභාගි වු බවත්,ඉදිරියේදි එම ජංගම සේවය දිවයිනේ විවිධ ප්‍රදේශවල පැවැත්විමට සැලසුම් කර ඇති බවයි.
