25 C
Colombo
Sunday, April 14, 2024

මාස්ක් ගෙන්වීම ගැන අලුතින් හිතමු

- Advertisement -

ශ්‍රී ලංකාවට මුව ආවරණ ගෙන්වීම තහනම් කරන බව ඖෂධ නිෂ්පාදනය සහ සැපයීම් පිළිබඳ රාජ්‍ය ඇමති චන්ද ජයසුමන ප්‍රකාශ කිරීමට හේතුව දේශීය මුව ආවරණ නිෂ්පාදකයන්ගේ පැමිණිලි සහ ඉල්ලීම් මත බව පෙනී යනවා.

ලංකාවේ දේශීය මුව ආවරණ නිෂ්පාදකයන් 15 දෙනෙක් ඉන්න බවත්, ඒ අයගෙන් රජය මාස්ක් මිලදී ගන්න බවත් චන්න ජයසුමන මහතා කියා තිබුණා.

මේ වන විට ලංකාවට ගෙන්වන ලද මුව ආවරණ ලක්ෂ 50ක් පමණ මේ වන විට වරායේ සහ ගුවන්තොටුපොළ තියෙන බවත්, ඒවා ජාතික ඖෂධ නියාමන අධිකාරියේ අවසරයකින් තොරව ගෙනාපුවා බවත් එම නිෂ්පාදකයන් පැමිණිලි කරලා තියෙනවා. අරුණ පුවත්පතට අනුව ඔවුන් කියා තිබෙන්නේ, මේවා අවසර නැතිව ගෙනල්ලා දේශපාලන බලපෑම් මත ඒවා නිදහස් කරගන්නා බව.

දිවයින පුරා රෝහල්වල ශල්‍ය මුව ආවරණ දෛනික අවශ්‍යතාව දෙලක්ෂ පනස් දහසක් වන බව ඖෂධ නිෂ්පාදනය, සැපයීම් පිළිබඳ රාජ්‍ය අමාත්‍යාංශය කියා තිබෙනවා. එම නිසා ලක්ෂ දහයක පමණ මුව ආවරණ සංචිතයක් පවත්වාගෙන යාමට අමාත්‍යාංශය තීරණය කර තිබෙන බව සඳහන්.

මුව ආවරණ පිළිබඳ ලෝකයේ තියෙන ප්‍රමිතිය අනුව කොවිඩ්-19 වසංගතයෙන් සම්පූර්ණයෙන් ආරක්ෂා වෙන්නට වෛද්‍යමය මුව ආවරණයක් ඕනෑ. එහෙත්, දැනට ලෝකයේ විශේෂඥයන් බොහෝ දෙනෙක් කියන්නේ සෞඛ්‍ය සේවකයන් සහ අවදානම් සහගත කාණ්ඩ හැරුණාම අනෙක් හැමෝම රෙදි මාස්ක් දාන එක හොඳයි කියලා.

ඒකට හේතුව වෛද්‍යමය මාස්ක් එකක් එක් වතාවක් පාවිච්චි කරලා විසි කරන්න ඕනෑ වීම. අනෙක ඒ ගොඩක් මාස්ක් වර්ග දිරාපත් වෙන්නේත් නැහැ. නිල්පැහැ සැත්කම් මාස්ක් එක ප්ලාස්ටික්මය රෙද්දකින් හැදූ එකක්.

ඒ නිසා මේ වන විට ලෝකයේ විශාල පරිසර ප්‍රශ්නයක් බවට විසිකරන ලද මාස්ක් පත්වෙලා තිබෙනවා. විශේෂඥයන් සාමාන්‍ය ජනතාවට රෙදි මාස්ක් පළඳින්නැයි ඉල්ලන්නේ එම නිසා. ඒ අනුව රෙදි මාස්ක් අඩු මිලට සපයාගත හැකියි, සෝදා නැවත පාවිච්චි කළ හැකියි, පරිසර හානිය අඩුයි.

ලංකාවට අප රෙදි මාස්ක් ආනයනය කරන්නේ ඇයි? රෙදි මාස්ක් එකක් නිෂ්පාදනය කිරීමේ හැකියාව අපේ අයට තිබෙනවා. නිවෙස්වල ස්වයං රැකියාවක් ලෙස පවා ඕනෑ තරම් මාක්ස් නිෂ්පාදනය කරන අය ලංකාවේ ඉන්නවා.

අනෙක් අතට මෙම කාලසීමාව බොහෝ අයට රැකියා අවස්ථා නැතිව, ආර්ථික අමාරුකම්වලින් සිටින කාලයක්.

ඒ නිසා ලංකාවේ මාස්ක්  හෙවත් මුඛ ආවරණ නිෂ්පාදනය කරන්න පුළුවන් නම්, එයට පහසුකම් සහ පිරිස් බලය තිබෙනවානම් එය ගෙන්වීමෙන් වැළකීම කළ හැකි දෙයක්. එය යහපත් දෙයක්.

එහෙත්, දැනට චන්ද ජයසුමන රාජ්‍ය ඇමතිවරයා ප්‍රකාශයක් ලෙස කර ඇති එය යථාර්තයක් වනු ඇතැයි සිතීම අපහසුයි. හේතුව ලංකාවේ මාක්ස් ගෙන්වන ව්‍යාපාරිකයන් චන්ද ජයසුමන රාජ්‍ය අමාත්‍යවරයාට වඩා ශක්තිමත් වීම. එම නිසා මාස්ක් ගෙන්වීම නතර කිරීමක් ගැන බලාපොරොත්තු තබන්න අමාරුයි.

RECENT ARTICLES - SINHALA

ප්ලාස්ටික් ජල ටැංකියක් පෙරලී කුඩා දැරියක් මරුට

අරලගංවිල රුහුණුගම ප්‍රදේශයේදී ප්ලාස්ටික් ජල ටැංකියක් පෙරලී යාමෙන් සිදුවූ අනතුරකින් කුඩා දැරියක් මියගොස් තිබෙනවා. පොලීසිය සඳහන් කළේ, වැසිකිළියක් මත රඳවා තිබූ ජල ටැංකියක සිට...

‘අලුත්වීම’ ජීවිතයට අලුත් බලාපොරොත්තුවක් එක් කරනවා – ජනපති

අලුත්වීම ජීවිතයට අලුත් බලාපොරොත්තුවක් එක් කරන බව ජනාධිපති රනිල් වික්‍රමසිංහ මහතා පවසනවා. ජනාධිපතිවරයා පවසන්නේ, ජාතියක් දේශයක් ලෝකයක් ඉදිරියට යනු ලබන්නේ අලුත්වීමෙන් බවයි. සාම්ප්‍රදායික අවුරුද්දට අලුත්...

‘ඔකපතන’ විදුහලට වැඩ වරදියි

අවුරුදු ගීතයක් විකෘති කර, සමාජ මාධ්‍ය ඔස්සේ සංසරණය කිරීම පිළිබඳව සංස්කෘතික කටයුතු අමාත්‍යාංශය පරීක්ෂණයක් ආරම්භ කර තිබෙනවා. සංස්කෘතික කටයුතු අමාත්‍ය විදුර වික්‍රමනායක මහතාගේ උපදෙස් මත...

POPULAR ARTICLES

2024 අවුරුදු නැකැත් සීට්ටුව මෙන්න

හෙට (13) රාත්‍රියේ උදාවන සිංහල හා දෙමළ අලුත් අවුරුද්ද පිළිගැනීම සඳහා මේ වනවිට ශ්‍රී ලංකිකයින් සූදානම් වෙමින් සිටිනවා. රාජ්‍ය නැකත් කමි­ටුව මඟින් සකස් කරන...

උසස් පෙළ ප්‍රතිඵල ගැන දනුම්දීමක්

පසුගිය උසස් පෙළ විභාගයේ ප්‍රතිඵල ලබන මාසය ඇතුළත නිකුත් කරන බව විභාග දෙපාර්තමේන්තුව පවසනවා. එම දෙපාර්තමේන්තුව සඳහන් කළේ, මේ වනවිට ප්‍රතිඵල  ලේඛන නැවත පරීක්ෂා...

තෙල් සංස්ථාවෙන් දැනුම්දීමක්

සිංහල දෙමළ අලුත් අවුරුදු උත්සව සමය තුළ සිපෙට්කෝ ඉන්ධනහල් මගින් අඛණ්ඩ ඉන්ධන සැපයුමක් සඳහා අවශ්‍ය ක්‍රියාමාර්ග ගෙන ඇති බව ලංකා ඛණිජ තෙල් නීතිගත සංස්ථාව...