26 C
Colombo
Tuesday, May 21, 2024

C2 යි S1 ට කොතලාවලින් MBBS

- Advertisement -

කොතලාවල ආරක්ෂක විශ්වවිද්‍යාලයේ වෛද්‍ය උපාධිය සඳහා ගෙවීමේ පදනම මත සිසුන් බඳවා ගැනීම සඳහා අයදුම් පත් කැඳවා තිබෙනවා.

ආරක්ෂක අමාත්‍යංශය නිවේදනයක් නිකුත් කරමින් සඳහන් කළේ, සිවිල් අයදුම් කරුවන්ට වෛද්‍යවේදී සහ ශල්‍යවේදී (MBBS) උපාධිය සඳහා අයදුම් කිරීමට මැයි මස 05 වැනිදා දක්වා අවස්ථාව හිමි වන බවයි.

2022 වර්ෂයේ ජීව විද්‍යා විෂය ධාරාව යටතේ අ.පො.ස (උපෙළ) විභාගයෙන් ජීව විද්‍යාව, රසායන විද්‍යාව සහ භෞතික විද්‍යාව යන විෂයන් සඳහා අවම වශයෙන් සම්මාන සාමාර්ථ්‍යය (C) දෙකක් හා සාමාන්‍ය සාමාර්ථ්‍යය (S) එකක් ලබා ගෙන විශ්වවිද්‍යාල ප්‍රවේශයට සුදුසුකම ලබා තිබීම, මෙම උපාධිය සඳහා තෝරාගැනීමේ නිර්ණායක අතර වෙනවා.

වෛද්‍යවේදී සහ ශල්‍යවේදී (MBBS) උපාධිය සඳහා අයදුම් කිරීම සඳහා සලකා බැලෙන සුදුසුකම් කොතලාවල ආරක්ෂක විශ්වවිද්‍යාලයේ නිල ෆේස් බුක් පිටුවෙහි මෙලෙස සඳහන් කර තිබෙනවා.

• ශ්‍රී ලාංකික පුරවැසියෙකු විය යුතුය.

• අයදුම්පත් භාර ගන්නා අවසන් දිනට වයස අවුරුදු 17 ට නොඅඩු සහ අවුරුදු 24 ට නොවැඩි විය යුතු වේ.

• 2022 වර්ෂයේ ජීව විද්‍යා විෂය ධාරාව යටතේ අපො.ස (උ/පෙළ) විභාගයෙන් ජීව විද්‍යාව, රසායන විද්‍යාව සහ භෞතික විද්‍යාව යන විෂයන් සඳහා අවම වශයෙන් සම්මාන සාමාර්ථ්‍යය (C) දෙකක් හා සාමාන්‍ය සාමාර්ථ්‍යය (S) එකක් සහිතව විශ්වවිද්‍යාල ප්‍රවේශයට සුදුසුකම ලබා තිබීම, හෝ

• විදේශ අධ්‍යාපන සුදුසුකම් යටතේ 2023 වර්ෂයේ කේම්බ්‍රිජ්/ එඩෙක්සෙල් උසස් පෙළ (Cambridge/ Edexcel A/L) හෝ ඒ හා සමාන විභාගයකට පෙනී සිටි ජීව විද්‍යාව, රසායන විද්‍යාව සහ භෞතික විදනව යන විෂයන්ට අවම වශයෙන් “C” සාමාර්ථය දෙකක් හා D සාමාර්ථ එකක් සහිතව ප්‍රතිඵල ලබා තිබීම.

• ඉහත සියලුම විභාග ප්‍රතිඵල එක් පෙනී සිටීමකදී ලබා තිබිය යුතු අතර විභාගය සදහා පෙනීසිටිය හැක්කේ උපරිම වාර තුනක් පමණි.

• අ.පො.ස. (උ/පෙ) සාමාන්‍ය පොදු පරීක්ෂණයෙන් සමත් වී තිබීම (අවම ලකුණු – 30)

• අ.පො.ස. (සා/පෙළ) විභාගයෙන් ඉංග්‍රීසි භාෂා විෂයයට සම්මාන (C) සාමාර්ථයක් ලබා තිබීම හෝ විදේශ අධ්‍යාපන සුදුසුකම් යටතේ Cambridge /Edexcel General Certificate of Secondary Education (GCSE) විභාගයෙන් ඉංග්‍රීසි භාෂා විෂයයට “C” සාමාර්ථ්‍යයක් ලබා තිබීම අනිවාර්ය වේ.

• අවිවාහක විය යුතුය.

ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ වෛද්‍ය විද්‍යා උපාධිය සඳහා ගෙවීමේ පදනම මත සිසුන් ඇතුළත් කර ගැනීමට පසුගියදා කැබිනට් අනුමැතිය හිමි වුණා.

මීට පෙර දේශීය සිසුන් සඳහා ත්‍රිවිධ හමුදාවට හෝ පොලීසියට කැඩෙට් නිලධාරියෙකු ලෙස බැඳීමෙන් පමණක් සහ විදේශීය සුදුසුකම් ලත් සිසුන් සඳහා මුදල් ගෙවීමේ පදනම මත පමණක් එම විශ්ව විද්‍යාලයේ වෛද්‍ය උපාධිය හැදෑරීමේ අවස්ථාව ලබා දී තිබුණා.

එම අවස්ථාව තවදුරටත් පුළුල් කරමින් 2024 අධ්‍යයන වර්ෂයේ සිට පහත සුදුසුකම් සපුරා ඇති දේශීය අයදුම් කරුවන්ද මුදල් ගෙවීමේ පදනම මත වෛද්‍ය උපාධි පාඨමාලාව සඳහා බඳවා ගැනීමට රජය සැලසුම් කර තිබෙනවා

RECENT ARTICLES - SINHALA

වෙඩි තැබීමකින් අයෙක් රෝහලේ

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල තුවාල සිදුවූ පුද්ගලයකු අනුරාධපුර ශික්‍ෂණ රෝහලට ඇතුලත් කර තිබෙනවා. මෙලෙස වෙඩි වැදීමෙන් තුවාල ලබා ඇත්තේ පදවිය,...

ගසක් කඩා වැටීමෙන් දුම්රිය ධාවනයට බාධා

දුම්රිය මාර්ගයට ගසක් කඩාවැටී දුම්රිය ධාවනයට බධා එල්ලවී තිබෙනවා. කොට්ටාව සහ පන්නිපිටිය අතර දුම්රිය මාර්ගයට මෙලෙස ගසක් කඩාවැටී ඇති බවට වාර්තා වනවා. ඒ හේතුවෙන් කැලණිවැලි දුම්රිය...

කසිප්පු පෙරූ එස්.අයි. ගේ වැඩ තහනම්

කවරක්කුලම පොලිස් ස්ථානයට අනුයුක්තව සේවය කරන අතරතුර මිහින්තලේ තම නිවෙසේ කසිප්පු නිෂ්පාදනය කළ බව කියන උප පොලිස් පරීක්ෂකවරයාගේ වැඩතහනම් කර ඇති බව අනුරාධපුර දිස්ත්‍රික්ක...

POPULAR ARTICLES

ඩයනා අතුරුදන්

ව්‍යාජ තොරතුරු ඉදිරිපත් කර, විදෙස් ගමන් බලපත්‍රයක් ලබා ගැනීම සම්බන්ධ නඩුවේ සැකකාරියක් වශයෙන් හිටපු රාජ්‍ය ඇමතිනී ඩයනා ගමගේ නම් කිරීමට කොළඹ ප්‍රධාන මහේස්ත්‍රාත් අධිකරණයෙන්...

ඉන්දියාවෙන් ලංකාවට එන අලුත්ම පෙට්‍රල් වර්ගය

Indian Oil සමාගම ඉතිහාසයේ පළමු වරට ඔක්ටේන් 100 සුපිරි වර්ගයේ පෙට්‍රල් තොගයක් ශ්‍රී ලංකාවට අපනයනය කර ඇති බවට වාර්තා වනවා. පසුගිය මැයි 18 වනදා මුම්බායේ...

ඩොලරයේ වෙනසක්

ශ්‍රී ලංකා මහ බැංකුව විසින් අද (20) නිකුත් කරන ලද මුදල් විනිමය අනුපාත වාර්තාවට අනුව පසුගිය සතියට සාපේක්ෂව අද දින ඩොලරයේ ගැනුම් සහ විකුණුම්...