නියමිත වේලාවට නිසි ක්‍රියාමාර්ග නොගතහොත් ඉදිරි සති දහයක් තුළ ඩෙල්ටා නමින් හැඳින්වෙන ඉන්දියානු කොවිඩ්-19 ප්‍රභේදය රටේ ප්‍රමුඛතම ප්‍රභේදය වනු ඇතැයි වෛද්‍ය විශේෂඥයින් අනතුරු අඟවා තිබේ.
ඉන්දීය ප්‍රභේදය තවත් සති දහයකින් ශ්‍රී ලංකාව තුළ ප්‍රමුඛ විය හැකි බව මහාචාර්ය නීලිකා මලවිගේ ඇතුළු වෛද්‍ය විශේෂඥයින් අවධාරණය කර ඇති බව රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මිය අද (29) මාධ්‍ය හමුවේ පවසා සිටියාය.
“මේ අනුව, රට තුළ මෙවැනි තත්වයක් ඇතිවීම වැළැක්වීම සඳහා සෞඛ්‍ය මාර්ගෝපදේශ හා භාවිතයන් දැඩි ලෙස පිළිපැදීම අතිශයින්ම වැදගත්” යැයි රාජ්‍ය අමාත්‍යවරිය වැඩිදුරටත් සඳහන් කරනු ලැබීය.
දිවයින පුරා ගමන් තහනම් ඉවත් කළ ද කොවිඩ්-19 අවදානම තවමත් අතුරුදහන් වී නොමැති බව ද ඇය මෙහිදි අවධාරණය කර තිබේ.
