පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් සිදුකළ විමර්ශනවලට අදාළව තමන්ව අත්අඩංගුවට ගැනීම වැළැක්වීමේ නියෝගයක් ඉල්ලා අමාත්‍ය හරීන් ප්‍රනාන්දු ගොනුකර තිබූ මූලික අයිතිවාසිකම් පෙත්සම ඉල්ලා අස්කරගෙන තිබෙනවා.
අධිකරණ ආරංචි මාර්ග පැවැසුවේ අමාත්‍යවරයා වෙනුවෙන් පෙනී සිටි නීතීඥවරයා ඒ පිළිබඳව ශ්‍රේෂ්ඨාධිකරණයට දැනුම් දුන් බවයි.
පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් ප්‍රකාශයක් සටහන් කර ගැනුණු අමාත්‍ය හරින් ප්‍රනාන්දුට එරෙහි විමර්ශන කටයුතු අවසන් කරන ලෙස පොලීසිය වෙත නීතිපතිවරයා විසින් උපදෙස් නිකුත් කර ඇති බැවින් අදාළ පෙත්සම ඉල්ලා අස්කර ගන්නා බව එහිදී එම නීතීඥවරයා දැනුම් දී තිබෙනවා.
ඒ අනුව අදාළ පෙත්සම ඉල්ලා අස්කර ගැනීමට අවසර දුන් විනිසුරු මඬුල්ල පසුව එය නිෂ්ප්‍රභ කිරීමට තීන්දු කර ඇති බව වාර්තා වෙනවා.
ගාමිණී අමරසේකර, මහින්ද සමයවර්ධන සහ අර්ජුන ඔබේසේකර ගෙන් සමන්විත අභියාචනාධිකරණ විනිසුරු මඬුල්ල හමුවේ අද (18) මෙම පෙත්සම කැඳවා තිබුණා.
