25 C
Colombo
Thursday, December 1, 2022

ඇමැතිලා හිතන් ඉන්නෙ අපිත් ඒ වගේ කියලා..! – පාරිභෝගික අධිකාරියේ හිටපු විධායක අධ්‍යක්ෂ

- Advertisement -

පාරිභෝගික අධිකාරියේ විධායක අධ්‍යක්ෂ ධුරයෙන් ඔබ ඉල්ලා අස්වුණා. ඒක දැන් ආන්දෝලනාත්මක සිද්ධියක්. මොකක්ද හරියටම මේකට හේතුව…?

ඒක එක පාර සිද්ධ වුණු දෙයක් නෙමෙයි, මේක හුඟක් දවස් ඉඳලා තිබුණු තත්ත්වයක්. ඇමැතිවරුන්ගේ ඇඟිලි ගැසීම් නිසා පාරිභෝගික අධිකාරියේ කටයුතු අකර්මන්‍ය වෙන සහ අවුල් වෙන තත්ත්වයක් තිබුණෙ. මේ ගැන කතාකරන කොට මම ආණ්ඩුවට, ඇමැතිතුමාට විරුද්ධව කටයුතු කරනවා කියලා කැබිනට් එකට විවිධ දේවල් ගෙනිහින් තිබුණා. මට එක එක පාර්ශ්වවලින් ඉල්ලීම් කළා, ඔ්කෙන් ඉවත් වෙලා ඇමැතිතුමන්ලට කැමැති කෙනෙක් දාගන්න දෙන්න කියලා. ඒ කියන්නෙ බන්දුල සහ ලසන්ත ඇමැතිතුමාලා.
මං කියලා දුන්නා, පාරිභෝගික අධිකාරිය කියන්නෙ නියාමන අධිකාරියක්. ඒකට පැත්තක් නෑ. ඒකට තියෙන්නෙ පනත. පනතෙ හැටියට මං වැරැද්දක් කරලා තියෙනවා නම් කියන්න කියලා. ඇමැතිතුමා කියන විදිහට වැඩ කරන්න නෙමෙයි ඒක තියෙන්නෙ. ඇමැතිතුමාට ඔ්නෙ විදිහට මේකට ඇඟිල්ල ගහන්න බෑ කියලා.
මං ඒගොල්ලොන්ගෙන් ඇහුවෙ අපි ආවෙ ඔය විදිහට වැඩ කරන්නද කියලා. ඔය බෝඩ් එකේ එක විධායක අධ්‍යක්ෂ කෙනෙක්, බැසිල් රාජපක්ෂ ළඟ ඉන්න කෙනෙක්, එයා දවසක් මට කිව්වා අපිව ඇමැතිවරු පත්කරලා තියෙන්නෙ ඒගොල්ලොන්ට අවශ්‍ය වැඩ කරගන්න කියලා. මං කිව්වා, ඇමැතිලගෙ වැඩකරන්න නෙමෙයි අපි පත්කරලා ඉන්නෙ කියලා. මේකෙ එහෙම කරන්න බෑ කියලා. සතොස වගේ ආයනවලට වඩා මේක වෙනස්. ඇමැති නෙමෙයි ජනාධිපතිටවත් මේකට ඇඟිලි ගහන්න බෑ. මට හිටිය නම් අවුරුදු තුනම ඉන්න පුළුවන්. මට හොඳටම ඉන්න පුළුවන්කම තියෙද්දියි මම අයින් වුණේ.
අපි මේ ආණ්ඩුව ගේන්න වැඩ කරපු මිනිස්සු. මටත් පාඩුවෙ ඉන්න තිබුණා. වැරැද්ද කළහම, වැරැද්ද වැරැද්ද විදිහට දකින්නෙ නැත්නම්, ඔතැන ඔය එහෙයියො ටිකත් එක්ක ඉඳලා මගෙ නමත් කැත කරගන්න අවශ්‍ය නෑ කියලා මට හිතුණා. ඒක නිසා මං මේ තීරණය ගත්තා.
ඔය සුදු ළූනු කේස් එක ආවට පස්සෙත් මම කිව්වා, මේකට අපක්ෂපාතී පරීක්ෂණයක් කරන්න ඔ්නෙ කියලා. ඒක කරන්න ඔ්නෙ අපරාධ පරීක්ෂණ දෙපාර්තමේන්තුවෙන් කියලා. ඇමැතිතුමාලා ගිහින් කියලා තියෙන්නෙ මම එයාලට හොරා කිව්වා කියලා. මම එහෙම එකක් කිව්වෙ නෑ, එතුමා කොහොම හරි ඒක ආරෝපණය කරගෙන.
අපි ආවෙ ඔය පඩිය අරගෙන රස්සාවක් කරන්න නෙමෙයි. ඔය ඉන්න හුඟදෙනෙකුගෙ ජීවිතේ ඔ්ක තමයි. ඔ්කෙන් හම්බෙන ලක්ෂෙයි, වාහනෙයි තමයි ඒගොල්ලොන්ගෙ මුළු ජීවිතේම. ඇමැතිලා හිතන් ඉන්නෙ අපිත් එහෙමයි කියලා. ඒගොල්ලො වටේ ඉන්නෙ ඒ වගේ අය වුණාට, අපි එහෙම නෙමෙයි.

මේ අනාවරණයට අදාළව ඔබෙන් ප්‍රකාශයක් ගැනීමක් අපරාධ පරීක්ෂණ දෙපාර්තමේන්තුවෙන් කළාද?

නෑ. තාම නෑ. ඔ්වට අදාළ ලිපිගොනු ඔක්කොම මම බාරදීලා තියෙන්නෙ. අද ඊයෙ නෙමෙයි, චමල් ඇමැතිතුමාගෙ කාලෙ ඒවා මං බාරදුන්නෙ.

ඔබට එරෙහිව මතයක් සමාජගත කරන්න හදනවා, ඔබ විපක්ෂයත් එක්ක එකතු වෙලා වගේ කතාවක්. එහෙම එකක් තියෙනවද, ඉදිරියේදි ඔබ විපක්ෂ වේදිකාවෙ දකින්න පුළුවන් වෙයි ද?

මට පක්ෂ නෑ. මට වියත් මග සාමාජිකත්වයවත් නෑ. එතැන මම මාස හයක් විතර වැඩ කළා මගේ සල්ලි වියදම් කරගෙන. මට ඒගොල්ලො සාමාජිකත්වය දීලත් මම ගත්තෙ නෑ. මම පොහොට්ටුවෙ සාමාජිකයෙකුත් නෙමෙයි. මට පක්ෂ – පාට වැඩක් නෑ. මට තියෙන්නෙ එක පක්ෂයයි. මම රටට පක්ෂයි. එච්චරයි. පාට-පාට කණ්නාඩි දාගෙන රට හදන්න බෑ. එහෙම පක්ෂ ඔ්නෙ නම්, බලය තියෙන වෙලාවෙ මම මේක දාලා යනවද.

RECENT ARTICLES - SINHALA

සිංහරාජයේ රාජපක්ෂලාගේ හෝටලය නියෝජ්‍ය කතානායක රාජපක්ෂට භාරදීලා

0
සිංහරාජයේ පිහිටා ඇති රෝහිත රාජපක්ෂට අයත් හෝටලයේ කටයුතු මේ වන විට නියෝජ්‍ය කතානායක අජිත් රාජපක්ෂ යටතේ සිදු කරමින් පවතින බව හෙළිව තිබෙනවා.

අද සිට ලිට්‍රෝ ගෑස් දෛනිකව ලක්ෂයක් වෙළෙඳපොලට

0
අද (01) සිට වෙළඳපොල වෙත ගෘහස්ථ ගෑස් සිලින්ඩර ලක්ෂයක ඉක්මවා නිකුත් කිරීමට සුදානම් බව ලිට්‍රෝ සමාගම පවසනවා. එම සමාගමේ...

අයියට මගේ මරණ මංචකයේ දී වත් සමාවක් නැහැ – බැසිල් ගෝඨාභයට කියලා?

0
හිටපු ජනාධිපති ගෝඨාභය රාජපක්ෂ මහතා ජනාධිපති ධුරය අත්හැර ගියහොත් පාර්ලිමේන්තුව හරහා තමාට ජනාධිපති ධුරය ලබා ගැනීමට හැකි වේ යැයි හිටපු මුදල් අමාත්‍ය...

RECENT ARTICLES - ENGLISH

By increasing export taxes, industries should not be discouraged: COPF

0
Dr. Harsha de Silva, Chairman of the Committee of Public Finance instructed officials to the Ministry of Finance that an analytical report...

The new year begins with another massive electricity tariff hike

0
Cabinet has approved a hike in electricity tariffs under two steps in January and June 2023. Although the electricity...

Sari/Osari fiasco: Circular on state sector employees’ attire revoked

0
Circulars on the official attire of staff grade officers in the State sector have been revoked. According to the...