විවිධ චෝදනා මත සවුදි අරාබියේ සිරගත කොට සිටින තම රටවැසියන් පිරිසක් මුදා ගැනීමට ඩොලර් මිලියන හයහමාරක් හෙවත් පකිස්තාන් රුපියල් බිලියනයක් ගෙවීමට පකිස්තානය සූදානම් වේ.
පකිස්තාන අභ්යන්තර කටයුතු අමාත්ය ෂීක් රෂීඩ් අහමඩ් එරට අගමැති ඉම්රාන් ඛාන් ගෙන් ඉල්ලා ඇත්තේ 2005 වර්ෂයේ සිට සවුදි අරාබියේ බන්ධනාගාරවල රදවා සිටින සිරකරුවන් පිරිසක් මුදා ගැනීම සදහා ගෙවීමට අවශ්ය වන මෙම මුදල ලබාදෙන ලෙසයි.
මීනීමැරුම් සහ මත්ද්රව්ය ජවාරම් සම්බන්ධයෙන් මරණීය දඩුවම නියමවී සිටින පුද්ගලයන් ඇතුලු 3000 කට අධික පිරිසක් මේ වනවිට සවුදි අරාබියේ බන්ධනාගාරවල රදවා සිිටින බව සදහන් වේ.
දඩ සහ වන්දි වශයෙන් අදාළ මුදල ගෙවා ඉන් පිරිසක් මෙසේ මුදාගැනීමට නියමිත අතර ඔවුන්ගෙන් 1100 ක පමණ පිරිසක් යළි පකිස්තානයේ බන්ධනාගාරවල රදවා තැබීමට නියමිතය.
කෙසේවෙතත් මෙහිදී මිනීමරුම් සහ මත්ද්රව්ය ජාවාරම් සම්බන්ධයෙන් වැරදිකරුවන් බවට පත්ව මරණිය දණ්ඩනය නියමව සිටින පකිස්තාන ජාතිකයන් 30 දෙනෙකු පමණ මෙහිදී මුදා නොහැරෙන බව පකිස්තාන මාධ්ය වාර්තාවල දැක්වේ.