ඉන්දියාවේ මුම්බායි හි පැවැති 71 වැනි ලෝක රූ රුජින තරගයේ කිරුළ ජය ගැනීමට චෙක් ජනරජය නියෝජනය කළ සුරූපිනී, ක්‍රිස්ටීනා පිස්කෝවා සමත්ව තිබෙනවා.
මෙවර තරගාවලිය සඳහා ලොවපුරා රටවල් 115ක තරඟකාරියන් එක්ව සිටි බව විදෙස් මාධ්‍ය වාර්තා කර තිබුණා.
වසර 28කට පසුව ඉන්දියාව මෙහි සත්කාරකත්වය දරා තිබෙනවා.
23 හැවිරිදි ක්‍රිස්ටීනා සිස්කෝවා නිරූපිකාවක් වන අතර ඇය නීතිය පිළිබඳවත්, ව්‍යාපාර පරිපාලනය පිළිබඳවත් වෙන වෙනම උපාධි හදාරමින් සිටීන බව සඳහන්.
මීට පෙර 2006 වසරේදී ද චෙක් ජනරජය විසින් ලෝක රූ රැජින කිරුළ දිනා තිබෙනවා.
ක්‍රිස්ටීනා පිස්කෝවා ට කිරුළ පැලදීම සිදු කරනු ලැබුවේ, පසුගිය 2023 ලෝක රූ රුජින කිරැළ දිනා සිටි පෝලන්ත සුරූපිනිය කැරොලිනා බියෙලාව්ස්කා විසින්.
මෙවර තරගාවලියේ දී දෙවැනි ස්ථානය දිනුවේ, ලෙබනනය නියෝජනය කළ සුරූපිනී යැස්මින් මයිටෝන්ය.
තෙවැනි ස්ථානය දිනුවේ, ට්‍රිනිඩෑඩ් ඇන්ඩ් ටුබැගො දූපත් රාජ්‍යය නියෝජනය කළ සුරූපිනිය ආචේ ඒබ්‍රහෑම්ස්.
.වසර 28කට පසු එම තරගාවලියේ සත්කාරකත්වය දැරූ ඉන්දියාව නියෝජනය කළ 22 හැවිරිදි සිනී ෂෙට්ටි තරගාවලියේ පළමු 08 දෙනා අතරට තේරී පත්වීම වි‍ශේෂත්වයක්.
