කිරින්ද මහා රාවණ ප්රදීපාගාරයේ සිට නාවික සැතපුම් 480ක් දුරින් වූ මුහුදු ප්රදේශයේ භාණ්ඩ ප්රවාහන නෞකාවක ගින්නක් හටගෙන තිබේ.
නාවික හමුදා මාධ්ය ප්රකාශක, කපිතාන් ඉන්දික ද සිල්වා මහතා සඳහන් කළේ අදාළ නෞකාවේ එන්ජින් කාමරයේ එම ගින්න හටගෙන ඇති බවට වාර්තාවී ඇති බවය.
ඒ අනුව අදාළ නෞකාව අසලින් ගමන්ගන්නා නෞකාවලට මේ පිළිබඳව දැනුම් දී ගින්න නිවීම සඳහා සහයෝගය ඉල්ලා ඇති බව නාවික හමුදාව සඳහන් කළේය.
කෙසේ වෙතත්, එම්.එස්.සී. මෙසීනා නෞකාවෙන් මෙරට සාගර කලාපයට බලපෑමක් නොවනු ඇති බව සමුද්රීය පරිසර ආරක්ෂණ අධිකාරියේ සභාපතිනි නිතිඥ දර්ශනී ලහඳපුර පවසනවා.
එම්.එස්.සී. මෙසීනා නමැති අදාළ නෞකාව පෙරේදා (24) රාත්රියේ ගිනි ගැනීමට ලක්ව ඇති බව විදෙස් මාධ්ය වාර්තා කරයි.
නෞකාවේ කාර්ය මණ්ඩල සාමාජිකයින් 28 දෙනාගෙන් එක් අයෙකු අතුරුදන්ව ඇති බවයි ඉන්දීය වෙරළාරක්ෂක බලකාය අනාවරණ කර තිබෙන්නේ.