සිරස නිව්ස් ෆස්ට් ප්‍රවෘත්ති විකාශය අයත් MTV පෞද්ගලික සමාගම හරහා ජෝර්ජ් ස්ටුවර්ස් හෙල්ත් පෞද්ගලික සමාගම, එහි සභාපති දිලිත් ජයවීර සහ එහි ඉහළ නිලධාරීන්ට එරෙහිව සිදුවනවා යැයි පවසන අපහාසත්මක පුවත් පළකිරීමක් වළක්වාලමින් කොළඹ දිසා අධිකරණය නොවැම්බර් 23 වන වාරණ නියෝගයක් නිකුත් ඇත.
එම නියෝගය නිකුත් ඇත්තේ සිරස “නිව්ස් ෆස්ට්“ හරහා ජෝර්ජ් ස්ටුවර්ස් හෙල්ත් පෞද්ගලික සමාගමට අපහාස කිරීම සම්බන්ධයෙන් රුපියල් බිලියන 2ක වන්දි ඉල්ලා ගොනුකළ නඩුවක් සලකා බැලීමෙන් අනතුරුවය.
ජෝර්ජ් ස්ටුවර්ස් හෙල්ත් පෞද්ගලික සමාගම වෙනුවෙන් ජනාධිපති නීතිඥ රොමේෂ් ද සිල්වා ප්‍රමුඛ නීතිඥ මඩුල්ලක් පෙනී සිට ඇති අතර සිරස නාලකාවේ ප්‍රධාන ප්‍රවෘ්ත්ති විකාශ ඔස්සේ තම සේවාදායකයන්ට අපහාස වන අයුරින් පුවත් විඛාශය කරන බවත් ඒවා වැළැක්වීමට වාරණ නියෝගයක් නිකුත් කරන ලෙසත් පැමිණිකරු වන දිලිත් ජයවීර මහතා අධිකරණයෙන් ඉල්ලා ඇත.
සිරස ප්‍රවෘත්ති විකාශය මගින් නොවැම්බර් 11, 13, 16 සහ 19 වන දිනවල ජෝර්ජ් ස්ටුවර්ස් සමාගම මෙරටට ගෙන්වන ලද කොවිඩ් – 19 ක්ෂණික ප්‍රතිදේහජනක පරීක්ෂණ කට්ටල ආනයනය කිරීම සම්බන්ධයෙන් ව්‍යාජ සහ සිතාමතා ගොතන ලද කරුණු ඇතුළත් අපහාසාත්මක පුවත් පළකළ බව පැමිණිලිකරු ව අධිකරණයට කරුණු දක්වා ඇත..
