ෂැංහයි සහෝයීගතා සමුළුව සඳහා ඉන්දියාව චීන ජනාධිපති ෂී ජිංපින් වෙත නිල ආරාධනයක් යවා ඇති බව චීනය තහවුරු කර ඇත.
කෙසේ වෙතත්, සමුලුව සඳහා චීන ජනාධිපතිවරයා පැමිණෙන්නේද යන්න පිළිබඳ මෙතක් තීරණය කර නොමැත.
G20 සමුළුවට මාස 02 කට පෙර, මෙම වසරේ ජූලි මස පළමු සතියේදී ෂැංහයි සහයෝගීතා සමුලුව පැවැත්වීමට සැලසුම් කර ඇති අතර, එහිදී ඉන්දියාව පසුගිය වසරේ බාලි ප්රකාශය මෙන් ඒකාබද්ධ ප්රකාශයක ස්වරූපයෙන් යුක්රේන ප්රශ්නය පිළිබඳ සම්මුතියක් ඇති කිරීමට බලාපොරොත්තු වන බව පැවැසේ.
සැප්තැම්බර් මාසයේදී පැවැත්වෙන G 20 සමුළුව සඳහා චීන ජනාධිපතිවරයාට නිල ආරාධනයක් ලැබී ඇති බව ද චීනය තහවුරු කර තිබේ.
ඉන්දියාව දැනට G20 සහ ෂැංහයි සහෝයීගතා සමුළුව යන සංවිධාන දෙකෙහිම සභාපතිත්වය දරයි.
G20 සමුළුව සැප්තැම්බර් 9-10 දිනවල පැවැත්වෙන අතර ෂැංහයි සහෝයීගතා සමුළුව පැවැත්වෙන දිනය පිළිබඳව තවමත් තහවුරු කිරීමක් නොමැත.
2020 අප්රේල්-මැයි මාසවල නැඟෙනහිර ලඩාක් හි දේශසීමාවේ හටගත් ගැටුමෙන් පසු මෝදි සහ ෂී විධිමත් ද්විපාර්ශ්වික හමුවක් පවත්වා නැත.
G20 සමුළුවට සමගාමීව ඔවුන් පසුගිය වසරේ බාලි හි දී අතට අත දී සතුටු සාමීචි හුවමාරු කර ගත් නමුත් විධිමත් සාකච්ඡාවක් සිදු නොවිණි.