මුදල් අච්චු ගැසීම හේතුවෙන් උද්ධමනය ඉහළ ගොස් ඇතැයි නව මහ බැංකු අධිපති ආචාර්ය නන්දලාල් වීරසිංහ මහතා පවසනවා.
නව මහ බැංකු අධිපතිවරයා ඒ බව පැවසුවේ, ඊයේ (08) පස්වරුවේ කැඳවා තිබූ මාධ්‍ය හමුවට එක්වෙමින්.
මුදල් ප්‍රතිපත්තිය සහ මහබැංකුවේ අරමුණ ක්‍රියාත්මක කිරීමේදී එහි ප්‍රධාන වගකීම දරනු ලබන්නේ මහබැංකුවේ අධිපතිවරයා බවයි ඔහු අවධාරණය කරන්නේ.
කෙසේ නමුත්, පෙර සිටි මහබැංකු අධිපතිවරයා වන අජිත් නිවාඩ් කබ්‍රාල් විසින් නැවත නැවතත් කියා සිටියේ මුදල් අච්චු ගැසීම සහ උද්ධමනය අතර කිසිඳු සම්බන්ධතාවයක් නොමැති බවයි.
ඔහු එසේ පැවසුවද ලෝකයේ ආර්ථික විශේෂඥයින් පෙන්වා දුන්නේ මෙරට මුදල් අච්චු ගැසීම දිගින් දිගටම සිදු වූවහොත් මෙරට උද්ධමනය 56% දක්වා ඉහළ යා හැකි බවයි.
