වට්ස්ඇප් යෙදවුමේ නවතම යාවත්කාලීන කිරීම් සම්බන්ධයෙන් මෙටා සමාගමෙන් නිවේදනයක් නිකුත් කර තිබෙනවා.
ඒ අනුව එක් චැට් එකක් තුළ පණිවුඩ තුනක් Pin කර තැබීමේ හැකියාව ලැබෙන අතර මීට පෙර එලෙස සිදු කිරීමට එක් වූයේ, එක් පණිවුඩයක් පමණයි.
එමෙන්ම වට්ස් ඇප් සමූහයක් (ගෲප් චැට්) තුළද අවශ්‍ය පණිවුඩ තුනක් Pin කර තැබීමට මෙහිදී පරිශීලකයින්ට අවස්ථාව හිමි වෙනවා.
පණිවුඩ පමණක්‌ නොව වීඩියෝ, ඡායාරූප, polls ඇතුළු දේද මෙලෙස Pin කර තැබිය හැකියි.
පණිවුඩයක් Pin කළ හැකි කාල සීමාව පරිශීලකයින්ට තෝරා ගැනීමේ හැකියාව පවතිනවා.
ඒ අනුව පැය 24ක්, දින 7ක් හෝ දින 30ක් සඳහා අදාළ පණිඩුය Pin කර තැබිය හැකි බව සඳහන්.
