ඇමරිකාවේ නව ජනාධිපතිවරයා දිවුරුම් දෙයි

දැවැන්ත දේශපාලන අරගලයකින් පසු ඇමරිකාවේ 46 වන ජනාධිපතිවරයා ලෙස ජෝ බයිඩන් මහතා එක්සත් ජනපද ජනාධිපතිවරයා ලෙස අද (20) දිවුරුම් දෙනු ලැබූවා.
ඒ අගවිනිසුරු ජෝන් රොබට්ස් ඉදිරිපිටයි.
කොවිඩ් 19 අර්බුදය සම්බන්දයෙන් කටයුතු කිරීමට සහ ට්‍රම්ප්ගේ ප්‍රතිපත්ති ආපසු හැරවීම අරමුණු කරගත් විධායක නියෝග රාශියක් නව ජනාධිපතිවරයා විසින් මේ වන විට ප්‍රකාශයට පත් කර තිබෙනවා.
මේ අතර හිටපු ජනපති ඩොනල්ඩ් ට්‍රම්ප් අද උදෑසන ධවල මන්දීරයෙන් පිටව ගිය බව විදෙස් මාධ්‍ය වාර්තා කළා.
ඒ අනුව ඩොනල්ඩ් ට්‍රම්ප් සහ මිලෙනියා ට්‍රම්ප් “Air Force One” ගුවන්යානයෙන් මේරිලන්ඩ් සිට ෆ්ලොරිඩා දක්වා යාමට නියමිතව තිබුණා.
විදෙස් මාධ්‍ය වාර්තා කළේ ඔවුන් “Palm Beach” හි පිහිටි ට්‍රම්ප් ට අයත් “Mar-A- Logo” ගොල්ෆ් සමාජ පරිශ්‍රයට යන බවයි.