රටේ දිස්ත්රික් සෞඛ්ය මණ්ඩල 20 සමඟ සාකච්ඡා කිරීමෙන් අනතුරුව ජූලි 29 වන දින වැඩ වර්ජන දැන්වීමක් අවලංගු කළ බව නවසීලන්ත හෙද සංවිධානය (NZNO) සිකුරාදා නිවේදනය කරන ලදී.
සියයට 1.38 ක් වැනි උපහාසාත්මක වැටුප් දීමනාවක් ප්රතික්ෂේප කිරීමෙන් පසු හෙදියන් සහ සෞඛ්ය සහායකයින් 30,000 ක් පමණ ජුනි 9 වන දින වැඩ වර්ජනය කළ අතර ජූලි 29, අගෝස්තු 19 සහ සැප්තැම්බර් 9 යන දිනවල රටපුරා වැඩ වර්ජන තුනක් සඳහා ඡන්දය ප්රකාශ කළහ.
ලේබර් පක්ෂය ප්රමුඛ රජය සෞඛ්ය සේවකයින් සහ ගුරුවරුන් ඇතුළු රජයේ සේවකයින්ගෙන් බහුතරයක් සඳහා තුන් අවුරුදු කාල සීමාවක් සඳහා වැටුප් වැඩිවීම් අත් හිටුවීමක් ප්රකාශයට පත් කිරීමට කටයුතු කරන ලදී. කොවිඩ්-19 වසංගතය මගින් අවුලුවන ලද ආර්ථික අර්බුදයේ බර සේවකයින් වෙත පටවමින් සිදු කළ එම ක්රියාවලියට එරෙහි වෙමින් සෞඛ්ය අංශ සේවකයින් වැඩ වර්ජනයකට අවතීර්ණ විය.
පසුගිය සතියේ පැවති සාකච්ඡා වලදී ‘සැලකිය යුතු ප්රගතියක්’ ලබා ඇති බවත්, ජූලි වැඩ වර්ජනය අවලංගු කිරීම සම්බන්ධයෙන් “කොන්දේසි සහිත” සංශෝධිත යෝජනාවක් දිස්ත්රික් සෞඛ්ය මණ්ඩල විසින් ඉදිරිපත් කළ බවත් නවසීලන්ත හෙද සංවිධානය මාධ්යයට පවසා තිබේ.
කෙසේ වෙතත් අගෝස්තු 19 සහ සැප්තැම්බර් 9 දිනවල වැඩවර්ජන අත් හිටුවීමක් මෙතෙක් ප්රකාශයට පත් කර නොමැත.