2015 දී ආරම්භ කරන ලද දෙමළ ප්රගතිශීලී සන්ධානය හට දේශපාලන පක්ෂයක් ලෙස ජාතික මැතිවරණ කොමිෂන් සභාවෙන් නීතිමය පිළිගැනීමක් ලැබී තිබෙනවා.
ශ්රී ලංකාවේ ජාතික ප්රජාතන්ත්රවාදී ප්රවාහය තුළ පක්ෂය ‘පන්දම් එළියක’ ලකුණ රැගෙන යන බව එම පක්ෂයේ නායක පාර්ලිමේන්තු මන්ත්රී මනෝ ගනේෂන් මහතා පවසනවා.
“අපේ අය අපිට කිව්වා එක්සත් වෙන්න කියලා, ඒ නිසා අපි කළා” යනුවෙන් ගනේෂන් මහතා ට්විටර් පණිවුඩයක් නිකුත් කරමින් සදහන් කරනවා.
ප්රජාතන්ත්රවාදී ජනතා පෙරමුණේ නායක මනෝ ගනේෂන් , ජාතික කම්කරු පෙරමුණේ නායක පලනි තිගාම්බරම් සහ වී. රාධක්රිෂ්ණන්ගේ නායකත්වයෙන් යුත් කන්ද උඩරට ජනතා පෙරමුණ එක්ව 2015 ජුනි 03 වැනිදා අවබෝධතා ගිවිසුමක් අත්සන් කර මෙම සන්ධානය පිහිටුවා ගත්තා.
ඒ අනුව දෙමළ ප්රගතිශීලී සන්ධානය මේ වන විට ලියාපදිංචි පක්ෂයක් වන අතර එම සන්ධානය නියෝජනය කරමින් පාර්ලිමේන්තුව තුළ මන්ත්රීවරුන් 6 දෙනෙකු සිටිනවා.
එමෙන්ම නුවරඑළිය, කොළඹ, මහනුවර, බදුල්ල, රත්නපුර, කෑගල්ල, ගම්පහ සහ මාතලේ යන දිස්ත්රික්කවල ඇති පළාත් පාලන ආයතනවල මන්ත්රීවරුන් 150 කට අධික සංඛ්යාවක්ද එම සන්ධානය නියෝජනය කරනවා.