ජපානයේ දී පැවැත්වීමට නියමිත ඔලිම්පික් තරගාවලිය සඳහා නියෝජනය කරනු ලබන ශ්‍රී ලංකා කණ්ඩායම නියෝජනය කිරීමට ශ්‍රි ලංකා කෙටි දුර ධාවන ශුර යුපුන් අබේකෝන් සුදුසුකම් ලබා තිබෙනවා.
යුපුන් අබේකෝන් එලෙස සුදුසුකම් ලබා ඇත්තේ මිටර් 100 ධාවන ඉසව්ව සඳහායි.
ඔලිම්පික් පරිසාදන මට්ටම ලඟා කර ගැනීම සඳහා ඉතාලියේ පැවැති තරඟාවලියකදී යුපුන් අබේකොන් තත්පර 10 දශම 1 යි 6 ක දක්ෂතාවයක් පෙන්නුම් කර තිබුණා.
එමෙන්ම, මීටර් 3000 බාධක දිවීමේ තරග ඉසව්වෙන් ටෝකියෝ ඔලිම්පික් ක්‍රීඩා උළෙලට නිලානි රත්නායක සුදුසුකම් ලබා තිබෙනවා.
ඒ අනුව මලල ක්‍රීඩාව නියෝජනය කරමින් 2020 ටෝකියෝ ඔලිම්පික් වරම් ලැබූ පළමු ක්‍රීඩකයා සහ ක්‍රීඩිකාව වීමට ද ඔවුන්ට හැකි වූ අතර ඔවුන්ට අමතරව අශ්වාරෝහක ඉසව්ව නියෝජනය කරමින් මැතිල්ඩා කාර්ල්සන්, ජිම්නාස්ටික් ඉසව්ව නියෝජනය කරමින් මිල්කා ගෙහානි, වෙඩි තැබීම ඉසව්ව නියෝජනය කරමින් ටෙහානි එගොඩවෙල බැඩ්මින්ටන් ශූර නිලූක කරුණාරත්න සහ ජූඩෝ ක්‍රීඩාවෙන් චාමර නුවන් ධර්මවර්ධන මීට පෙර ඔලිම්පික් වරම් හිමිකරගෙන තිබුණා.
