ශ්රී ලංකාවට පැමිණි විදේශගත ශ්රී ලාංකික ශ්රමික පිරිසක් නිල්වලා නිරෝධායන මධ්යස්ථානයේ නිකරුනේ රදවාගෙන සිටීමට උත්සාහ ගන්නා බව පවසමින් එම පිරිසේ 12 දෙනෙකු නිරාහාර උපවාසයක් ආරම්භ කර ඇති බව වාර්තා වේ.
එම උපවාසය දෙසැම්බර් 29 දින රාත්රියේ සිට ආරම්භ කර ඇත.
දෙසැම්බර් 02 වැනිදා කටුනායකට පැමිණි අදාල කණ්ඩායමේ පුද්ගලයන් 276 දෙනෙකු සිට ඇතිි අතර PCR පරීක්ෂනයකට ලක් කර නිල්වාලා නිරෝධායන මධ්යස්ථානයට ඇතුළත් කර ඇත.
එම වාර්තා වලින් පුද්ගලයන් 3 දෙනෙකුට කොවිඩ් ආසාදනය වී ඇති බව හදුනාගෙන ඇත.ආදාල කණ්ඩායම දින 14 ක් නිරෝධයනයට යොමු කර ඇත. ඉන්පසුව සිදු කළ පීීීීීීීීසීආර් පරීක්ෂණයේදී තවත් එක් අයෙකු ආසාධිත බව හෙළි වීම නිසා ඔවුන් තවත් දින 14ක් නිරෝධායනයට ලක් කර ඇත.
ඒ වනවිට සියලු දෙනා එකම පහසුකම් භාවිතා කළ බවත් අනතුරුව පිරිස වෙන් වෙන් කාමරවල රැදී සිටිමින් වැසිකිලි පහසුකම් ආදිය බෙදාගෙන භාවිතා කළ බවත් ඔවුන් පවසයි.
දෙසැම්බර් 28 යලි PCR පරීක්ෂණයක් සිදු කර ඇති අතර එක් කාමරයක සිටි 06දෙනෙකු අතරින් එක් අයකු ආසාධිතයකු බව එහිදී හෙළි වී ඇත. මේ තත්වය මත වෙනත් කාමරවල රැදී සිටි පිරිසද තවත් දින 14ක් නිරෝදායනයට ලක් කරන බවට කළ ප්රකාශයකට විරෝධය දක්වමින් අදාල පිරිස මෙම විරෝධතාව ආරම්භ කර ඇත.
ආසාදිතයා හමුවූ කාමරයේ අනෙක් පුද්ගලයන් නිරෝධායනය කිරීම සාධාරණ වුවත් මේ වනවිට තම කණ්ඩායම දින 30ක් ගත කර ඇති බවත් එම පිරිස පවසති.
මේ පිළිබඳව විමසීමකට අප යුධ හමුදා මාධ්ය ප්රකාශක බිග්රේඩියර් චන්දන වික්රමසිංහ මහතා සම්බන්ධ කර ගැනීමට උත්සහ කළ නමුත් එය ව්යර්ථ විය.