රජයේ රෝහල්වල සහ වෛද්‍ය ආයතනවල කළු කොඩි ප්‍රදර්ශනය කිරීම සෞඛ්‍ය අමාත්‍යාංශය විසින් තහනම් කර තිබෙනවා.
චක්‍රලේඛයක් නිකුත් කරමින් එම අමාත්‍යාංශය පෙන්වා දෙන්නේ කළු කොඩි ප්‍රදර්ශනය කිරීමෙන් රෝගීන්ගේ සහ කාර්ය මණ්ඩලයේ මානසික මට්ටම අනතුරේ වැටිය හැකි බවයි.
පවතින ආර්ථික සහ සමාජ තත්ත්වය තුළ රෝගීන්ට ප්‍රතිකාර කිරීම සහ ජීවිත බේරා ගැනීමේ ක්‍රියාවලියට ඇතැම් වෘත්තීය ක්‍රියාමාර්ග බාධාවක් වන බව නිරීක්ෂණය වී ඇති බවද ඔවුන් සඳහන් කරනවා.
කෙසේ වෙතත් මේ සම්බන්ධයෙන් රජයේ වෛද්‍ය නිලධාරීන්ගේ සංගමය ප්‍රකාශ කළේ මෙම පියවරට ප්‍රතිචාර දැක්විය යුතු ආකාරය පිළිබඳව අඟහරුවාදා තීරණයක් ගන්නා බවයි.
