තමන්ගෙන් කිසිඳු විෂයක් ඉවත් කර නොමැති බව කෘෂිකර්ම අමාත්ය මහින්දානන්ද අලුත්ගමගේ මහතා පවසනවා.
ඒ, පසුගියදා සිදු කළ අමාත්යාංශ විෂය පථ සංශෝධනය පිළිබදව මාධ්යවේදීන් විසින් මහින්දානන්ද අලුත්ගමගේ මහතාගෙන් ඊයේ (11) දින ප්රශ්න කර සිටි අවස්ථාවේදීයි.
ප්රශ්නය – ඔබතුමා විශාල කාර්යභාර්යක් කළා කාබනික පොහොර නිෂ්පාදනය සම්බන්ධයෙන් දැන් පෙරේදා වෙනකොට කාබනික විෂය ඔබතුමාගෙන් ගලවනවා. ඒ ඇයි?
මහින්දානන්ද අලුත්ගමගේ : “කිසිම ගැලවීමක් කරලා නැහැ. ඔබතුමා නොදැනුවත්ව කතා කරන්නේ. අමාත්යාංශයේ විෂය භාර අමාත්යවරයා මම. කලිනුත් කාබනික පොහොර සඳහා වෙනම අමාත්යවරයෙක් හිටියා. ඒ කාබනික පොහොර කියන විෂය ශෂේන්ද්ර රාජපක්ෂ ඇමතිතුමාට දීලා, මොහොන් ද සිල්වා මැතිතුමාට වෙන එකක් ලැබුණා.
ශෂේන්ද්ර රාජපක්ෂ ඇමතිතුමාගේ තියෙන අමාත්යාංශ 04ක් කෘෂිකර්ම අමාත්යාංශයට නැවතත් ලැබුණා. ඒ අනුව අමාත්යාංශය තුළ ප්රතිව්යුහගත කිරීමක් කළේ. ඒ අනුව මගේ අමාත්යාංශය යටතේ තමයි කෘෂිකර්ම අමාත්යාංශය තියෙන්නේ. කිසිදු ගැලවීමක් නැහැ.