නවදිල්ලියේ නෝර්වේ තානාපතිනි, එලීන් ස්ටෙනර් සහ ජාතික ජන බලවේගයේ නායක අනුර කුමාර දිසානායක මහතා අතර හමුවක් අද (02) ජනතා විමුක්ති පෙරමුණ ප්‍රධාන කාර්යාලයේ දී පැවැත්වුණා.
සිය නිල ෆේස් බුක් ගිණුමෙහි සටහනක් තබමින් අනුර කුමාර දිසානායක මහතා සඳහන් කළේ මේ වන විට ශ්‍රී ලංකාව මුහුණ දෙමින් සිටින ආර්ථික අර්බුදය සහ මේ වන විට රට තුළ පවතින දේශපාලන තත්වය සම්බන්ධයෙන් මෙහිදී දීර්ඝ වශයෙන් සාකච්ඡා කළ බවයි.
ජාතික ගැටලුවේ වත්මන් වර්ධනයන් පිළිබඳවද මේ වසරේ පැවැත්වීමට නියමිත මැතිවරණ පිළිබඳවද මෙම සාකච්ඡාවලදී අවධානය යොමු කර තිබුණා.
මෙම හමුව සඳහා නෝර්වීජියානු තානාපති කාර්යාලයේ දෙවැනි ලේකම් John Bjerkem මහතා, ජාතික ජන බලවේගයේ ජාතික විධායක සභික ආචාර්ය හරිනි අමරසූරිය මහත්මිය සහ ජාතික විධායක සභික විජිත හේරත් මහත්මා එක්වා සිටියා.
