පොලිස් ආශ්වාරෝහක කොට්ඨාශය සතුව වටිනාකමින් ඉහළ අශ්වයින් 07 දෙනෙක් ආහාර නොමැතිව මියගොස් ඇති බවට පළවන මාධ්‍ය වාර්තා අසත්‍යය බව එම කොට්ඨාශය පවසනවා.
පසුගියදා මාධ්‍ය වාර්තා කර තිබුණේ ඇමෙරිකානු ඩොලර් 35 ආසන්න වටිනාකමින් යුත් අශ්වයන් මෙලෙස මියගොස් ඇති බවයි.
කෙසේ වෙතත් පසුගිය මාස තුනකදී අශ්වයින් තිදෙනෙක් මියගොස් ඇති බවයි පොලිස් ආශ්වාරෝහක කොට්ඨාශයේ අභ්‍යන්තර ආරංචි මාර්ග සඳහන් කළේ.
ඉන් අශ්වයින් දෙදෙනෙක් අසනීප තත්ත්වයක් හේතුවෙන් මියගොස් ඇති බවයි එම කොට්ඨාශයේ ප්‍රකාශකයෙක් කියා සිටියේ.
කෙසේ වෙතත් එක අශ්වයෙක් පෝෂණ ගැටළුවක් හේතුවෙන් මියගොස් ඇති බවයි සඳහන් වන්නේ.
මේ අශ්වයින් සඳහා ලබාදෙන ඇතැම් ආහාර විදෙස් රටවලින් ආනයනය කරන අතර පසුගිය සමයේ ඇති වූ ආර්ථික අර්බුධය හමුවේ එම ආහාර මෙරටට ආනයනය කර නොමැති බව වාර්තා වනවා.
