2021/2022 අධ්යයන වර්ෂයේ උසස් පෙළ විභාග ප්රතිඵල මත ජාතික අධ්යාපන විද්යාපීඨවලට ශික්ෂණලාභීන් ඇතුළත් කර ගැනීමට අදාළ අයදුම්පත් කැඳවා ඇති බව අධ්යාපන අමාත්යාංශය දැනුම් දෙනවා.
ඒ අනුව, මීට අදාළ ගැසට් නිවේදනය ශ්රී ලංකා ප්රජාතාන්ත්රික සමාජවාදී ජනරජයේ අංක 2376 දරන අද (15) ගැසට් පත්රයේ පළ කර තිබෙනවා.
මාර්ගගත ක්රමය ඔස්සේ මේ සඳහා අයදුම්පත් ඉදිරිපත් කළ යුතු අතර අයදුම්පත් අතරින් සුදුස්සන් තෝරා ගැනීමද මෙවර මාර්ගගත ක්රමය ඔස්සේම සිදු කිරීමට නියමිතයි.
අද (15) දහවල් 12න් පසුව මාර්ගගත ක්රමවේදය ඔස්සේ මේ සඳහා අයදුම් කළ හැකි අතර අයදුම් කිරීමේ කාල සීමාව 2024.04.05 දිනයෙන් අවසන් වෙනවා..
අද දහවල් 12.00ට පෙර ඇතුළත් කර ඇති අයදුම්පත් සලකා නොබැලෙන බැවින් එම අයදුම්කරුවන් නැවත මාර්ගගත ක්රමය ඔස්සේ අයදුම් කළ යුතු බව අධ්යාපන අමාත්යාංශය තවදුරටත් දැනුම් දෙනවා.